سلسلة الضغوط على المواطن وصلت الذروة بعهد الحكومة الرشيدة ومسؤولين مالهم خص ….

نقلص مستوى الخدمات للمواطن ومش عاجبك اضرب راسك بالحيط!!!..
شوف زحمة مشتفيات الحكومة ومدارس الحكومة ومتقاعدين الضمان ونخص التقاعد المبكر وحالهم لا يسر صديق ولا بعيد!!…
والاسعار كل يوم بحال لا سقف ولا حدود والكل بغني على ليلة !!..
ومشغولين بتمكين المرأة برامج زخ كل يوم مول مش عارفين ايش القصد من سواليف التمكين ياعمي شوفوا مين بحضر هيك ندوات وعددهم وبعدين احكوا هلكتوتا وربي اهتموا بحقوق المواطن بصحة وسلامة ألمواطن ورواتب الأغلبية الأكثرية جماعة ٤٠٠ دينار شهري بأسعار الكهرباء والميه والمحروقات تحولت لمخزوقات شهرية وفكوكوا من سواليف المنظمات ما لهم شغله غير ندوات مواصلات غداء وحشد من نسوان هدر وقتهن بالمقابل ارتفع اعداد متعاطي المخدرات واعداد الصيع وسلوكهم اصبح مش سلوك ناس متعلمين بالشارع ..
ولا نظافة الكل على الاراجيل والنت وآخر النهار الكل بشكي من همالات الاولاد وعربدة بعضهم على بعض يعني الاسرة بين نارين نار الأسعار ونار الرواتب التي لا تكفي لعيش كريم خبز وشاي بسبب الضغوطات ولعبة الاسعار حتى بعيد الاضحى الناس تتوقع تفرج عليهم اصبح سعر الخروف الروماني بنفس سعر البلدية شوفوا المصيبة !!!
من قال ذلك وليش ومن يحدد الأسعار وشو دور وزارة الصناعة والتجارة والتموين .
نصيحة لوجه الله افتحوا باب الاستيراد لمن يستطيع وبلاش تبقى بيد كم واحد وياريت توجية استثمارات الضمان لسوق ألمواد التموينية والمؤسسة الاستهلاكية تتولى الاستيراد سوق مفتوح علشان نبقى كلنا بخير ..
حسبي الله ونعم الوكيل.
حماك الله ياوطني من الجاحدين..
حمى الله مملكتنا والهواشم ..
والجيش والأجهزة الأمنية درع الوطن..
والمرابطين بالقدس والاقصى..
كاتب شعبي محمد الهياجنه