مبادرة حقق

 
حقق هي مبادره اطلقها صاحب السمو الملكي ولعي العهد الامير الحسين بن عبدالله
الثاني, طبعا حقق هي مبادره تهدف الى احياء القيم الموروثه من ديننا الحنيف وقيم ابائنا واجدادنا وتعزيزها ونشرها بالمجتمع الاردني الطيب وايضا صناعة القاده ومن هالقيم العمل التطوعي وتعزيز الثقه بالنفس وتحمل المسؤوليه وقيم كثيره نحن كمشاركين بمبادرة حقق نفتخر اننا حملنا هذه الرساله العزيزه رسالة نشر هذه القيم, طبعا حقق كانت عدة مراحل المرحله الاولى كانت مرحلة الاختيار ورحنا بهالمرحله مئة شخص تقريبا عملو عدة مسابقات وصفونا على 42 شخص تقريبا من كل مديريه (وانا كنت من الاثنين واربعين) وانا كنت من ابناء مديرية الباديه الشماليه وبعد هالمرحله صارت مرحلة ورشات العمل هاي المرحله كنا نروح على مركز شباب الباديه الشماليه النموذجي من اجل التعمق والتعرف على هالقيم اكثر ومن اجل انو نفهمها صح وكمان من اجل انو نعرف شو هي التحديات الي رح تواجهنا مع المجتمع المحلي لانو اكيد بعض الناس رح يصيرو يستهزئو بينا ويقولو يعني انتو بدكو تغيروا المجتمع؟؟ اه احنا الي رح نغير المجتمع احنا الي رح نكون بمثابة الدم الجديد الذي ينبض بقلب الوطن احنا الي رح نكون ابناء الاردن المخلصين, طبعا والمرحله الثالثه كانت مرحلة المخيمات وبهالمرحله الهادفه احنا كنا نروح مخيمات برى مشان نشتغل ونتعب ونتعلم اكثر ومن اجل انو نخدم بلدنا وهالمرحله كانت كم يوم كنا نتعب ونعمل ونشتغل مشان نطبق هالقيم على ارض الواقع ونساهم بانو نغير هالمجتمع لمحلي للافضل ونغرس هالقيم بالمجتمع المحلي(كان في تدريب بهالمرحله انا حبيتو كثير هو انو احنا نعمل انزال من فوق مبنى بارتفاع طابقين), طبعا بعد المرحله هاي كان في تصفيه للاشخاس ويصيرو خمسه من اصل اثنين واربعين (طبعا الاختيار كان على اساس الكفائه وعلى اساس مين رح ييكون ارض خصبه لزراعة هاي القيم بيه ومين رح يكون على قدر نشر هالقيم بالمجتمع المحلي وشو رح تكون قدرتو على نشر هالقيم بالمجتمع المحلي) وبعد هيك كنت انا من الخمسه والحمدلله وبعدين صرنا نساهم بنشر هالقيم وصرنا نتعامل مع المجتمع بشكل افضل صرنا اناس قاده قادرين على نشر هالقيم اناس تغيروا بشكل جذري طبعا انا والله استفدت من هالمبادره وفادتني المبادره بشكل كبير جدا وغيرتني بشكل جذري وعززت طموحي وزادت ثقتي بنفسي وحبي لوطني, طبعا الدكتور ثابت النابلسي والي هو احد القائمين على هالمبادره يوم تخريجنا وبحضور سمو ولي العهد قال لنا انتو يا نشامى حقق مثل الدم الجديد الي ينبض بقلب الوطن انتو قادة المستقبل انتو صناع التغيير انتو شباب الوطن, طبعا حقق هي ثلاث احرف لكن هالثلاث احرف بداخلهن معاني كثيره بداخلهن حب , عمل , اخلاص, ثقه بالنفس, عمل تطوعي , عزوه, تحمل مسؤوليه, شغل, تعب, تفاني بالعمل, حقق مش مجرد مبادره حقق والله اسعدتنا كثير وغيرتنا كثير واحببناها كثير وانا باسمي وبأسم نشامى حقق نقول شكرا سمو ولي العهد على هالمبادره الرائعه شكرا لكل القائمين على هالمبادره الجميله شكرا لكم انتم كباتن حقق الي كنتو معنا بالحلوه والمره ودربتونا وكنتو تبعدو عن اولادكم وتنامو خارج بيوتكم بس مشاننا ومن اجل انو تعلمونا وانا بالنهايه اقول شكرا حقق