بابوري رايح بابوري جاي

حقيقة حكومة أفعال مش رشق كلام
ترويحات لمدراء الضمان وديوان المحاسبة بسرعة الريح تقول رادار تحديد السرعة .
أشي فكركم الأسباب !!!….
تقصير او هناك مواقع او مناقلات بحدود علمي هناك تعديل على قانون الضمان لصالح المتقاعدين وتحديدأ لصالح المتقاعد اقل من ٢٠٠ دينار وهناك من يأخذ تقاعد ٣٠٠٠ دينار وأكثر تخيل قديش بينهم ارقام واصفار او الرجال موعودين او رايحين يشكلوا حزب مهو كل مسؤول روح ببلاش بتاسيس حزب بصحبة المتنفذين وهات لقاءات ودعوات ومناسف وكنافة واراجيل وعش وعشعش …
من كثر المفاجأة مش عارفين مين رايح مين جاي مثل اغنية بابوري رايح بابوري جاي ومحمل كراسي والقاب على الباب بين معالي وعطوفة يهملالي والناس بتصيح من الغلاء وتخيل ياحزبي.
(تنكة كاز بس ١٧ دينار )..
هي أيامنا الحلوة تتفجر تقول لغام كل يوم بوش مع ضربة بولش اخ يأراسي شو بيطلع للمسؤول يفصل على مقاسات و قياسات ساعة بتكشف رجلينا وساعة راسنا وآلله مش عارفين مين نصدق مين الكل بيغرف وبيهرف على اونه على دوه!!.
نرفع الأمر لصاحب الأمر يوم يجتمع الخصوم للحساب!!
وتبقى مصلحة الضمان هي الأساس وخط نار ممنوع الاقتراب ولعل القادم خير خلف لخير سلف يبادر باستثمارات تحقق أرباح خيالية مولات واستيراد المواد الغذائية وبناء جامعة ومستشفيات وبنك عمالي هيك مشاريع راح تحقق ارباح خيالية تعود على أهل الضمان بمكاسب مالية كبيرة
لهون وقف ..
كثر الله خيركم يخلف عليكم .
والحمد لله.
تحية للجيش والأجهزة الأمنية .
حمى الله مملكتنا والهواشم.
كاتب شعبي محمد الهياجنه