استخارة قبل التصويت …

من يجلس على كرسي وجب يكون قد الأمانة وهو فوق الكرسي بشجاعة..
مش تحت الكرسي تنتظر تتقاعد مثل ما دخلت خرجت (ولا) حد بذكرك تتبخر ساعة نزولك عن الكرسي تقول بعضهم انتقل للقبر مات وماتت مسيرة خدمة سنوات العمر علشان لما كان مسؤول كان تبع السائق والمراسل ما بشوف غيرهم وما بسمع من غيرهم !!!!
تخيل سائق المسؤول طنين بآذن المسؤول تقول السائق هو المسؤول او ألمراسل بعضهم لا يمكن تمشي ورقة بدون تدخل المراسل !!.
حقيقة بعض المسؤولين اليوم مغلق الباب مش شايف غير السائق والمراسل والسكرتير ارزاق يادنيا .!!!
اليوم رن الخلوي صوت صبية ان مديرة حملة المرشحة فلان بتعرفة قلت (لا) هي زوجة فلان !!!
طيب شو المطلوب بدنا دعمك صوتك جد بدهم صوتي علشان فلان شوفوا الاستخفاف بطريقة هزلية مين هم علشان اعرفهم او اصوت لهم …
او دعوة على فطور لتجد المفاجأة بطلع مرشح هو صاحب الدعوة للفطور لقراءة بيان انتخابي هزلي وبعد الفطور بدنا صوتك همتكم معي !!
او واحد لا شغله ولا مشغله طول النهار بزكي فلان قنبلة الموسم ووووو
شوفتوا طريقة طلب صوتك بتم من خلال دعوة فطور او اتصال أو طرد او تسخير جهود مؤسسة لصالح مرشح !!
بالمختصر الصوت ما راح يكون لحزبي مبارح اصبح حزبي !!
اشرب فنجان قهوة على كيف كيفك وسيبك لمين ومين صوتك يوم الاقتراع على الصندوق قول الله ..
وصوتك يروح لمن يستحق ثقتك .
روق القادم أجمل.
راح انتخب وبخاف ربي .
ربي يحمي مملكتنا والهواشم.
والجيش والأجهزة الأمنية درع الوطن.. والمرابطين بفلسطين جنود الله على أرض الأنبياء والمرسلين.
كاتب شعبي محمد الهياجنه