فيديو .. أبو حفيظة يسخر من الإعلاميين المصريين بأغنية لـ محمد فؤاد

وكالة الناس – سخر الإعلامي أكرم حسني، الشهير بالشخصية الساخرة “سيد أبو حفيظة”، مما اعتبره تغيرًا في موقف الإعلاميين خلال الفترة الماضية، من خلال أغنية استغل فيها لحن أغنية “ساعات بشتاق” للفنان محمد فؤاد.

وطالت سخرية أبو حفيظة خلال برنامجه “أسعد الله مساءكم” المذاع على “MBC مصر”، عددًا كبيرًا من الإعلاميين، مثل عبد الرحيم علي مقدم برنامج الصندوق الأسود، وخيري رمضان، وجابر القرموطي، ومجدي الجلاد، وعماد أديب، ولميس الحديدي، بحسب كلمات الأغنية.

تقول الأغنية في مطلعها: “ساعات باتشاف على اليوتيوب وباتشير، مواقفي كتير بتتغير، وبطلع أكدب اللي أتقال عشان أصلا ده شغل عيال، ساعات باستاء من عبد الرحيم صندوق أسود لئيم، وكل يومين فيه فيديو جديد ويفضحهم ويبقي سعيد، وليه تأفور ياخيري مش كفايه جابر، كفايه علينا صوت مجدي وصديري تامر، ما تاخدوا عماد أديب قدوة بيتكلم كده بهدوء، هموت وأعرف لميس إزاي كده جابتها، وقبل الكل كانت ناصحة وعرفتها وفجأة المجمع العلمي برؤيتها يروح محروق، شياط شياط شياط”.

وتابع السخرية في الفقرة الثانية من الأغنية: “ساعات بتعب عشان أفهم مني الشاذلي وبقي عندي غباء أزلي، يزيد لو شوفت هالة سرحان وعمرو الليثي برضو كمان، بخاف أفتح ألاقي شوبير ما هو بيصرخ كتير، ولادي في مرة كانوا نايمين وصرخ صحاهم الأتنين، ووقعتي سودة وأنا معمولي كماشه ده لما بشوف حياة قاعده مع عكاشة بقوم رامي الريموت وأكسر بيه الشاشة ومش ندمان، ومحمود سعد ليه ضحكه كده خبيثه، وما بتفرقش عن ضحك إبراهيم عيسي، تشوف يوسف تحس المشكله عويصه وعامل قلبان، ياناس وأدى اللى بناخده من الإعلام زهقانا خلاص كفاية كلام”