زوجي بحب المقالب كتير
وكالة الناس – أنا سيدة عمري 35 سنه وزوجي عمرة 42 مشكلتي إنه زوجي بحب المقالب كتير وكل ما يعمل فيي مقلب واقرب أنساه . . . بيعمل مقلب تاني
حاولت كتير أمنعه إنه يسوي مقالب بس عالفاضي
بحكي إنه بستمتع كتير لما يسوي مقالب ومتعود على المقالب من وهو صغير
لما كان يرن على جرس الجيران ويتلاشى بسرعة ويتخبى في مكان معين ويراقب الناس لما تطلع تدور على اللي رن الجرس
آخر مقلب عمله كان ممكن أروح فيها ، كنا قاعدين في السيارة بجنب حفلة عرس
وكان حاكيلي إنه بستنى بواحد يعطيه مصاري وكان حامل في إيده كمشة توت أحمر انا مش شايفيتها ،
وبس سمع صوت اطلاق النار في العرس اللي بجنبنا
حط ايده على راسة وعصر التوت عشان أفكر إنه دم وفعلا أنا يا غافلة الك الله . . . فكرته دم
وصرت أصوت وطلعت زي المجنونه من السيارة أدور على حدا يسعفه . . . حسيت حالي بده يغمى علي ، بس لحقني في آخر لحظة وحكالي بكل صفاقة : اننا نمزح معكم . . . معك الكاميرا الخفية اللي بتيجي بقناة CN بالعربية
ولما تمالكت نفسي واستوعبت الموقف ضليت ادعي عليه وادعى على CN بالعربية تبعته اللي علمته يسوي فيي مقالب مبتكرة
حكتله مرة . . . اللي بيضحك عليك وبحكيلك إنه مزحك حلو وخفيف دم إحكيله انتا واحد كزززاب . .
.وعدتله اياها 3 مرات بعدين سألته ازا واحد بحكيلك إنه مزحك حلو وخفيف دم شو بدك تحكيلة؟
اتبسم الي بهبل وقلي بكل برود وصفاقة : . إحزري !!
شو أعمل مع زوجي . . . انصحوني انا متل أختكم.