لم أوفق بزواجي

وكالةالناس – مشكلتي اني متزوجه من ثلاث سنين و ما توفقت بزواجي يعني من البدايه صارت مشاكل كبيره بينا
وصلت للتهديد بالطلاق منو مرات عديده و حردت ببيت اهلي اكتر من مره و كنت مصره على الطلاق
بس كانوا الاهل يتدخلوا بكل مره و يصلحوا بينا بس ما في فايده
بالنهايه قررت اطلق و رفعت عليه قضيه بالمحكمه و بهالفتره طلعت حامل فهو اصر ما يطلق بحجه البيبي
بس راح تزوج علي وحده من قرايب امو و صار يجاكرني انو خلاص ربطني فيه بالولد و ما عاد فيني الا
اقبل بالامر الواقع انا حسيت اني الخسرانه بهالقصه كلها اولا لاني ما بدي إشي يربطني فيه و تانيا يعني اذا خلفت رح تضيع حياتي كلها انا مش حمل تربيه ولد لحالي
و خف عقلي و رحت سقطت الولد لانو عن جد هو و انا رح نكون الضحايا الوحيدين بهالعيشه اللي كلها محاكم و قضايا و هم ، ما بقدر اجيبو على هالدنيا و اعذبو بين اب مولدن و ام مطلقه و صغيره
المهم الاخ بس عرف انو انا نزلت الولد هجم على بيت اهلي و صار يصرخ و يهدد انو بدو يرفع علي قضيه
و يسجني
هلا هو المحامي طمني انو فش بايدو اشي و ما بيقدر يعملي اشي بس انا ما بعرف مش مطمنه لانو كان بيهدد بثقه كبيره خوفتني و هو كل القصه مجاكره فيني و مو انو قلبو على الولد
مع العلم مرتو التانيه حامل هلا يعني هالولد مش فارق معاه بس جكر فيني ..
يا ترى قانونا هل من حقو يرفع علي قضيه بسبب اني نزلت الولد؟’