انا تعبانة
وكالة الناس – مرحبا انا بدي احكي اد ما انا تعبانه من حياتي وحالي وبناتي عندي خمس بنات اكبر اشي 7 سنين واصغر اشي خمس شهور مطلعين روحي كل عمري 25 سنة وتعبانه منهم وجوزي غير مبالي بالمرة هو دكتور ومعظم وقتو مش بالبيت بعني انا متحملة كل مسؤوليتهم بس انا تعبت منهم وصرت احس حالي بكرهم بسمعهم بنادو وبعيطو وبضلني عاملة حالي مش سامعه ليوصلو درجة انو بتعب من صوتهم حتن ابوهم دايما متحجج بالدوام وما بحب يفوت البيت الا لنص الليل ليكونو نايمات بطل في حياه بيني وبين جوزي الا العلاقة الزوجية بطل في كلام غير لكا اطلب منو اشي للبيت او اشي بخص البنات انا جد تعبت مع انو اهلي كتير بساعدوني فيهم بس اهلي مش عايشين يرضو بنفس البيت معي اربعة وعشرين ساعة جوزي بضلو شايفني نكدة بس انا حتن لو بنكد مش بايدي بكون جد تعبانة نفسيا كتيير