مش عارف شو بدي وليش بصير معي هيك!!!؟
مشكلتي أو ما اعتبره مشكلة عندي تتلخص فيما يلي:
انا شاب في العشرينات من عمري أعزب وعندي بيت وبشتغل…في الثلاث سنوات الأخيرة حاسس انه نفسيتي كل مالها بتتعب وبترجع لورى.
حاسس اني بفقد اصحابي كل يوم بالرغم انه أصحابي معدودين على الأصابع…معارفي اهلي قرابي مش طايق اشوف حدا فيهم…صرت أحب أضل لوحدي (انطوائي انزوائي معقد متشدد مجنون ضارب مثل ما بدكو)…صرت احب اطلع على الأماكن الي ما فيها احد ولا ناس او اضل بغرفتي لوحدي….صرت عصبي كتير بالرغم اني عصبي وعصبيتي ضيعت علي كتير امور كويسه في حياتي وكمان لما اعصب ببطل اشوف قدامي وما بميز مين أمامي أهلي او صديقي او قريبي وبصير اخبص طالع نازل وحكي غريب ومنحط بالرغم اني ملتزم وحتى الناس بقولو عني اني متشدد.
صراحة حاسس نفسي مش أنا الشب الخجول الملتزم أيام المدرسة او الجامعة …حاسس نفسي واحد غير بالمرة….في البيت بضل جالس وحدي ولا بمزح مع حد ولا بكلم حد وجدي لأبعد الحدود. وفي نفس الوقت بحب اسمع اغاني شعبية وموسيقى بالرغم اني ما بسمعها قدام الناس لاني ملتزم شوية.
اخر فترة من الزهق صرت أفكر أفكار مش منيحه ومش مقبوله من جميع النواحي وصرت ادور في الصيدليات على حبوب مهدئة واشربها لوحدي وصرت اكلم حالي كتير وصرت ما انام الليل وانا افكر شو صار معي في النهار وبشوف كوابيس وهيك شي.
صراحه حاسس حالي ضايع وبدي شي واشياء ومش عارف شو بدي وشو اعمل وكيف ارتاح.