زوجي تعبني ساعدوني

وكالة الناس – انا اسمي رغد متزوجه من 4 سنين عمري 24 عندي بنتين جامعيه…مشكلتي في جوزي ما بيعاملني كانسانه بطاوشني كتير وكتير مرات بيضربني وبيهيني بدون سبب وع طول برا البيت وما بهتم لا فيه ولا ببناته وبحياته ما اعتذر الي عن اي اشي عمله وازا كان في البيت بضله ساكت بحس حالي صرت حماره بطلت احس باي اشي كرهت حياتي وفوق هدا كله اكتشفت انه اله علاقه بوحده تانيه من تلفونه وواجهته صار يحلفلي انه تركها وهلا حط رمز ع تلفونه ما بيمسكني اياه نهائيا ما بعرف ازا لساته بيحاكيها ولا لا وفوق هاد كله ما عمره اشترى لبناته اشي كله عليه انا…طبعا اكيد رح تحكوا مقصره معه انا كتير بهتم بحالي وما بينقصني اشي من الجمال و الفهم…جربت ورحت ع اهلي 3 مرات بس رجعت اله لانه اهلي ما بدهم يطلقوني واصلا انا اتزوجته لاني بدي اطلع من عند اهلي انا مو عترفه وين بدي اروح كتير مرات فكرت انتحر تعبت كتير بترجاكوا ساعدوني حاسه حالي عمري 70 سنه قرفت كل اشي …