وحيد بالغربة
وكالة الناس – عندي مشكلة.. انا مغترب بدولة عربية وعايش لحالي وحيد وما قدرت أسافر على الاردن إجازه علشان أعيِّد عند اهلي.
يوم العيد بكون يوم نكد علي ويوم ذكريات حزينه ورائعه بنفس الوقت.. بتذكر العيد بالاردن كيف، وبتذكر اخواني وخواتي، وبتذكر طشاتي وطلعاتي.
المشكلة الاكبر إنو انا مش لحالي بالغربة، في إلي أخ متزوج، بس ولا بتعرَّف علي يوم العيد ولا حتى بروح عندو بسبب مرتو غير الخلوقة معي.
صارلي تقريبا 3 سنين ما دخلت بيتو غير يمكن خمس مرات، ولو بيجي يعزمني حاليا والله مابروح، مابعرف شو احكي، بس والله شي مؤلم إنك تحس بالوحده والغربة. وإللي مؤلم اكتر إنو تشوف الغريب بسأل عنك والقريب ولا هامه.
بتمنى تكون نصايحكم بدون تجريح.
حامد محمد