فتاة من غزة فائقة الجمال: مش واثقة في أي شاب

 أنا فتاة من قطاع غزة، عمري 24سنة فائقة بالجمال، بصراحة طوال حياتي خاصة الجامعية ما فكرت ارتبط بشاب عاطفيا، من شدة الخوف وعدم الثقة ومن كتر ما سمعت عن الشباب كيف بيستغلوا البنات بالحرام، مش واثقة في أي شاب اجو لعندنا للبيت كتير من الجيران وشباب العيلة يخطبوني ورفضت رفضت كتير ما كانوا مناسبين بمستواهم التعليمي قبل شهر من اليوم خطبني شاب، أهلي أعطوني الخيار بالزواج رفضت الفكرة،

بعد هيك اكتشفت انو الشاب اخلاقوا عالية وكمان مستواه التعليمي معقول صرت ندمانة اليوم والشاب التقدم لي صاحبوا ساكن عنا بالبرج وكل فترة بمر علي صاحبوا صدفت إني شفتوا علي الدرج اليوم خجل الشاب ما حكي معي ولا اطلع بعينوا وأنا ما بدي استغل طيبة واحترام أهلي بهالقرار وكل مرة اهلي بيحكولي هدا مستقبلك والحرية الك، يعني كيف بدي يرجع تاني يخطبني ما بعرف ما حدا يحكيلي انو أصارح زوجة صاحبو لأني ما بحبها بكرها مش عارفة شو اعمل لو صدفتوا مرة تانية احكيلوا شو احكي معاه ما تزعل أنا لساتني ما بعرف اشي عنك قبل هيك ولا شو أصارح حدا من أهلي والله هالعمر بمر وأنا ما بعرف مستقبلي كيف راح يكون