لا أشعر بالراحة مع زوجي..

 انا بنت عمري 20 سنة تزوجت من واحد عمرو 24 سنة طبعا انا ما كملت دراستي بحجة انو البنت ما الها غير بيت زوجها ,وتم النصيب طبعا الزواج كان تقليدي يعني انا ما بعرف شي عنو ولا هو كمان وفترة الخطبة 3 اسابيع بس يعني وما حكينا خلالها ولا مرة وصراحة كنت مرتاحة لانا ما عم نحكي لاني اصلا مش راضية بهالزواج صحيح انا ما انجبرت بس انا بنت متل كل البنات لو شافت صحباتها بيتزوجو وبيخطبو بتكون حابة تصير متلهم,بعرف اني غلطت بس المشكلة اني مش مرتاحة معاملتو معي مش ولا بد ومعاملة اهلو برضو مش منيحة هاد سبب والسبب الاهم اهلي هما بعاد عني كل البعد وما بزورهم غير مرة بالشهر وكمان في اسباب كثيرة هو ما بيصلي حتى برمضان ما صام بحجة انو شغلو متعب وحلال لو يفطر والله اني مش مرتاحة بالمرة ولو بدي اتطلق غير اضيع حالي ومستقبلي خصوصا اني حامل وبلشهر الثاني بعرف اني بنظركم تافهة بس والله اني عايشة وكاني مش عايشة فكرت اني اكمل دراسة بس هو منعني وفكرت كمان اني اتوظف بس مين رح يقبل بوحدة ما معاها غير شهادة التوجيهي ولو لقيت وظيفة برضو مش حيخليني نصيحة مني لكل يلي بعمري يا بنات والله شهادتك هي سلاحك واوعك تفكري بالزواج قبل ما تخلصي جامعه وتتوظفي شو بتنصحوني اعمل اطلب الطلاق واظلم ابني يلي ما فتح عيونو وارجع حرة ولا اتحمل شي فوق طاقتي ؟