ظروفي بسيطة وكونت نفسي “واريد زوجة”

مشاهدة
أخر تحديث : الإثنين 26 أكتوبر 2020 - 12:27 مساءً
ظروفي بسيطة وكونت نفسي “واريد زوجة”

وكالة الناس__ السلام عليكم بدي احكي شي بدي نصيحه انا شب عمري ٢٨ ،ابوي اتوفى وانا صغير.

عشت ظروف صعبة مع اهل ابوي وأمي فيها حرمان وظلم

امي ما تركتنا والحمد لله كانت كلشي النا ،ما كملت دراسه الجامعية بسبب ماديات كنت أدرس وآشتغل بس آصرف ع أهلي وما كملت رحت ع كليه عسكريه وهسا بالجيش والحمد لله ،_ساكن اجار كنت.

اخذت قرض شريت شقه من راتبي النا احسن من الاجار اخذتها كبيرة شوي قسمت الي غرفه نوم غرفه معيشه مطبخ حمام زبطهم ع قد الحال الحمدلله وتعبت عليهم.

بس الي مضايقني أنه مش مأثث ولاشي وشقتي فاضية راتبي مصروف واجار يعني الحمدلله شقته اهلي منيحه وفيها من خير الله همني امي اتضل معي وجنبي بكلشي .

درست اخوي وما صل عليه كثير الحمد لله اعتمدت ع حالي وما طلبت ولا أي مساعده ،كل شي صار برعاية الله ودعاء امي .

بس مرات بفكر انه البنات ما بتقبل تعيش غرفه نوم غرفه معيشه مطبخ حمام ع قد الحال ،يشهد الله انهم بجننو دفعت دم قلبي مش اي حكي

تكلفت في بس بسمع قصص أنه صعب والأهل كمان رغم كلشي صعب انو هيك طلع معي ما ابيدي اجيب شقة كبيرة انا بحكي بحال اني ارتبط وما حدى معي غير الله وكنت اشتغل شغلين وتعبت لوصلت لهون بحس انه قرايب والناس الي بتاذي تحكي بستهزاء ليش هيك الناس بنات هالايام ما بتعيش مجرد اني أفكر واسمع الكلام بزعل انا همي اثث بس كفكرة اني لو ارتبط معقول أنصدم وتقبل هيك أنه الحمد لله بخاف الله وما عنا شي بغضب الله بدنا السترة شكرا الكم🌹

رابط مختصر