أريد زوجتي.. نحيفة !

– انا متزوج من سنة ونصف وعندي طفل 6 اشهر
مشكلتي مع زوجتي .. لا تريد ان تعمل ريجيم !!

أنا لما تزوجتها كان وزنها 60 كغ وطولها 158 سم وانا كنت بدي إنها تنحف شوية وتصير 54 كغ واتفقنا نأخر موضوع الإنجاب كم سنة ..

إحنا في غربة وكل البنات هنا نحيفات لكن ما بعرف كيف خدعتني وحملت على طول ..
اللهم لا اعتراض.. جاء ابني للدنيا .. والحق يقال مازادت كثير بعد الولادة .. صار وزنها 62.5 كغ خلال الحمل ..وبدأت ترضع الولد والآن بعد 6 اشهر اصبح وزنها 66 كغ..

وكل ما اقول لها اعملي ريجيم.. تقول لي : انا برضع الولد ..وهي كمان بتحملني مسؤولية قلة وزن البيبي عند الولادة وبتحكي لي : ‘ بسبب كلامك عن الوزن ما كنت آكل كثير.. انت لسه ماتعلمت من الدرس؟ الولد كان رح يروح منا ‘

انا قلت لها : ‘ رضعيه صناعي وابدئي ريجيم ‘.. لكنها رافضة لأنها بدها تعوض عن الغلطة اللي غلطتها في فترة الحمل

انا الموضوع هاد فارق معي جدا جدا.. لأنه احنا في أوروبا وبنشوف اشكال ألوان حتى الزوجات العربيات مهتمات بنفسهم وبوزنهم ..

هي صارت تنزعج من الموضوع رغم انها مهتمة بنفسها .. يعني نظافة وشعر وهيك.. بس انا هالموضوع عامل لي قلق..

وهلأ هي زعلانة مني طول الوقت وبتحكي لي : ‘ إنت بتشوف الزواج من القشور وهاي اسمها سطحية..’

وهلأ مرّ أسبوع وهي تنام وحدها لأني عصبت عليها وقلت لها إنتِ أصبحتِ سمينة جدا.. يعني حتى أحفزها تعمل ريجيم..

هو انا هيك غلطان ؟؟ مش هاد حق من حقوقي ؟؟ أنا بدي اصالحها بس مش معناتها انها ما تنحف.. شو اعمل ؟؟