أخي وأصحابه ..وكلام الشتائم

مشكلتي أنني من فترة عرفت أن أخي يحب بنت أخلاقها مش كتير كويسة .. وأنا بفتح الفيس بوك وبدخل على صفحته حتى اطمن عليه إنه بعد عنها زي ما قال وإلا..لأ

المهم… أنا ملاحظة ان علاقة أخوي بأصحابه ( الشباب والصبايا ) كلها ( مسبات ) قذرة !!

و لما سالت جوزي قال لي : إن الشباب مع بعض كتير بيكونوا هيك لكن البنات ما بينفع يكونوا هيك..
يعني بلاحظ طريقه كلامه حتى مع صديقاته البنات .. وحتى البنت اللي كان بده يرتبط بها دائما ألفاظهم قذرة مع بعض من باب المداعبة  …..بس أنا ما بحب أخوي يكون هيك!!

كيف ممكن أقـنعه إنه ما بينفع صبية تغلط على شاب أو العكس.. مهما كانت درجه القرابة ومن غير ما يحس اني شفت كلامه على الفيس بوك.

اخوي عمره 23 سنه وبيشتغل ..يعني عارفه انه مش صغير .. بس واجبي كأخته الكبيرة اني انصحه واعمل اللي عليّ

أرجوكم أعطوني أفضل طريقة ولكم كل الشكر ..