زوجي لا يسمعني كلاماً جميلاً ..

 مشكلتي ممكن تكون بسيطة بالنسبة للبعض لكن انا عم تزعجني..

انا وزوجي تزوجنا عن حب كبير ومشكلتي اني بعرف انه بيموت فيّ لدرجة كبيرة يعني صار بيننا مشاكل كتير وهو اثبت لي انه بيحبني لدرجة كبيرة ..

بس ما بيسَمعني كلام حلو ولا غزل مع اني بطلب هالشي منه او بلمح له مرات.. ومرات بزعل كتير لانه ما بيسمعني وما بغيّر من طبعه.. يعني لغيري بيجامل وحتى على التلفزيون بتعجبه هاي وهاي..

بس انا ما بيحكي ولا كلمة حلوة بحقي مع اني الحمد لله كتير حلوة.. والله مرات بحس انه بيغار مني لانه بضل يسأل مين احلى انتي ولا هاي وبضل يستفز فيّ ويتغزل بالمطربات والفنانات على التلفزيون..