مصابة بالسرطان..هل أزوج زوجي قبل وفاتي؟
انا متزوجة صار لي 3 سنين ومعي بنوتة عمرها 5 شهور بس بعد ما ولدتها بشهرين بيّن معي ‘سرطان بالدم’.
ما قدرت اخبر حدا بالموضوع وخصوصاً زوجي لانه ما بدي حدا يتعب معي ولا حدا يزعل علي.. كمان ما بدي اشوف نظرة الشفقة والحزن من حدا.
بس المشكلة صارت علاقتي بزوجي كتير سيئة لأنه انا بمرّ بفترة مش متحملة حالي بجد ولا قادرة أتحمل أي تصرف من أي انسان.
فكرت اني ازوج زوجي لانه انسان كتير كويس وما بيستاهل مني هيك معاملة .. وانا ما بدي اياه يضل متعلق في حتى لما اموت ما يزعل كتير علي.
بدي مساعدتكم كيف اخليه يتزوج و بدون ما اخبره عن مرضي . ورجاءً اللي بيعلقوا ياخدوا باعتبارهم انه الكلام جدي مش مزح..