الحلقة الأولى .. من يوميات ابو ديبو .. للكاتب سرهاب البسطامي

وكالة الناس – خاص وحصري  – الحلقة الأولى .. من يوميات ابو ديبو .. للكاتب سرهاب البسطامي

عنوان الحلقة : مشاكل فيسبوكية زوجية :

** ام ديبو تقوم باتصال هاتفي مع زوجها ابو ديبو وهو اثناء عمله ويدور بينهما الحوار التالي :

ام ديبو : يعطيك العافية ابو ديبو .
ابو ديبو : هلا هلا ام ديبو خير ان شاء الله شو في .
ام ديبو : شو بشوفك مش معلقلي على المنشور .
ابو ديبو : اي منشور يا حرمة .
ام ديبو : آآآآه اي منشور – المنشور اللي انا نزلته.
ابو ديبو : يا حرمة انا عندي معاملات ومش فاضي .
ام ديبو : آآآآه مش فاضي لمنشوري اما تعلق قبل شوي لاختك سناء كلام روعة وللموظفة اللي عندك يسعد هالصباح بتفضى وعندي بطلت تشوف منشوري .
ابو ديبو : طيب يا حرمة صلي على النبي وكمان شوي بعلقلك .

** يقوم ابو ديبو بالتعليق على منشور زوجته ام ديبو التعليق التالي : ( كلام حلو – بس مش ملاحظة انك وجعتي راسنا من كثرة منشوراتك ) .

** ام ديبو تتفاجئ من زوجها ابو ديبو بهذا التعليق على منشورها … شو هاظ التعليق فضحني فضحني قدام الناس . وتقوم بحذف التعليق والاتصال بزوجها ابو ديبو .

ام ديبو : يا زلمة شو مالك .. شو اللي عملتوا هاظ فضحتني قدام الناس وصاحباتي والله ما بخليك عندي صديق .

ابو ديبو : يا حرمة طولي بالك ما عملت اشي غلط .

ام ديبو : كل هاظ وما عملت اشي غلط يا زلمة بدك تضحك الناس علي انا موجعة راسك من منشوراتي .. بس بدي احكيلك انا راح الغي الصداقة بيناتنا ولا احكيلك حظر احسن وازيدك من الشعر بيت اليوم بتروح بتتغدا وبتتعشى وبتنام عند اختك سناء على شان كلامها روعة وخلي الموظفة اللي عندك تعملك فطور وقهوة الصبح على شان تصبح عليها احسن .

انتهت الحلقة الأولى ..

هذه الحلقة ستكون مرئية على الشاشات رمضان 2016

لمتابعة وزيارة صفحة الكاتب سرهاب البسطامي الدخول على الرابط التالي
https://www.facebook.com/serhabboustami