بسبب هذا المنشور.. فنانة مصرية تثير جدل الجمهور بشأن ديانتها
وكالة الناس – هنأت الفنانة حنان سليمان جمهورها، بمناسبة حلول شهر رمضان الكريم، عبر حسابها الرسمي بموقع التواصل الاجتماعي (فيس بوك)، ما أثار تساؤلات الجمهور حول ديانتها.
وكتبت حنان: “أيوة أنا المسيحية اللى شايفة أن مفيش حاجة اسمها مسيحى و مسلم غير كعبادة.. أيوة أنا المسيحية اللى بتعشق صحابها المسلمين..أيوة أنا المسيحية اللى شايفة إن مفيش حاجة تنفع تفرق بنا.. أيوة أنا المسيحية اللي ديني بيقولى كده ﻷن الله محبة.. كل سنة وإحنا طيبين وبخير وصحة وسعادة ورمضان كريم علينا كلنا إعادة الله علينا وعلى مصرنا الحبيبة بالخير واليمن واالبركة”.
و أضافت “أيوة أنا المسيحية اللي مستنية رمضان بفارغ الصبر.. أيوة أنا المسيحية اللى مستنية الزينة بتاعة رمضان.. أيوة أنا المسيحية اللى مستية الناس يتجمعوا علشان يفطروا.. أيوة أنا المسيحية اللى مستنية المسلسلات بتاعت رمضان.. أيوة أنا المسيحية اللى بيفضل ولادها يسالوها رمضان امتى”.
وانهالت التعليقات من الجمهور على منشورها متساءلين عن ديانتها الحقيقة، حيث علق أحد متابعيها قائلا: “أنا بحبك يا فنانة وأول مرة أعرف أنك مسيحية”، لتعيد حنان سليمان نشر “البوست”، معلقة: “بوست عجبني وحبيته”.
![]()
