يوميات ابو ديبو .. الحلقة العشرون .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة العشرون .. للكاتب سرهاب البسطامي 
عنوان الحلقة : في العناية المركزة

** ام ديبو تدخل العناية المركزة .. وبعد استيقاضها .. تفاجات من وجود اجهزة التنفس عليها وبدات تشاور لابو ديبو بيدها ..

ابو ديبو : خير يا حبيبتي انت صحيتي يا قلبي – خير شو بدك اجبلك ادللي اجبلك مي .
ام ديبو : تهز براسها ( لا ) .
ابو ديبو : طيب شو بدك اجبلك جوعانة اجبلك اكل .
ام ديبو : تهز براسها ( لا ) .
ابو ديبو : طيب بدك تروحي الحمام .
ام ديبو : تهز براسها ( لا ) .
ابو ديبو : ( محتار ) يمكن بدها تحكي وصيتها خليني اقيم الكمامة عن وجهها واشوف شو بدها .
ابو ديبو : خير يا حبيبتي انت بس اوامري شو بدك اجيبلك .
ام ديبو : بدي اطلب منك طلب يا ابو ديبو .
ابو ديبو : ابشري اللي بدك اياه عيوني الك .
ام ديبو : بدي تفتح صفحتي على الفيس بوك .
ابو ديبو : ليش خير . هسه وقت الفيس بوك .
ام ديبو : مثل ما بحكيلك اذا كان اللي شان عندك .
ابو ديبو : ولو يا ام ديبو انتي بتدللي اعتبريني فتحت صفحتك شو اعمل بعدها .
ام ديبو : بدي تكتب اللي بدي انقلك اياه .
ابو ديبو : احكي يا ام ديبو شو اكتبلك .
ام ديبو : اكتب ام ديبو ( تشعر بالمرض ) وهي الان بالعناية المركزة .

انتهت الحلقة العشرون ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami