يوميات ابو ديبو .. الحلقة الثامنة عشر .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الثامنة عشر .. للكاتب سرهاب البسطامي 
عنوان الحلقة : ما كمل قصته
** ابو ديبو يذهب الى المستشفى لزيارة صديقه ابو حاتم والذي يرقد في العناية المركزة . ويقوم ابو ديبو بسؤال الدكتور عن حالة صديقه ابو حاتم :
ابو ديبو : مرحبا يا دكتور .
الدكتور : هلا حياك الله – تفضل .
ابو ديبو : خير يا دكتور طمني عن وضع اخوي ابو حاتم منشان الله هاظ صاحبي ورفيق دربي – شو ماله اه شو ماله طمني .
الدكتور : شو بدي احكيلك تاحكيلك .
ابو ديبو : احكي يا دكتور احكي – وشو كمان هالضربة القوية اللي في راسه طمني يا دكتور من شان الله . طمني .
الدكتور : هاظ يا سيدي حكاية صاحبك ابو حاتم حكاية .. بقولوا سالته مرته سؤال ومن يومها ما شاف النور .
ابو ديبو : الله اكبر شو هالسؤال اللي عمل في ابو حاتم هيك .
الدكتور: يا سيدي بقولوا انها سالته مرته وين قضيت اجمل ايام حياتك ؟
ابو ديبو : ايوه والله شكلها السلافة فيها ان واخواتها .. اقعد يا دكتور اقعد خلينا نسولف اقعد ..
الدكتور : يضحك ( هههههههه ) الشغلة ما بدها قعدة يا ابو شو اسم البركة .
ابو ديبو : محسوبك ابو ديبو – فلتك من اسمي وكملي القصة بعد ما سالته وين قضيت اجمل ايام حياتك . شو جاوب الفهمان .
الدكتور : المهم صاحبك ابو حاتم الفهمان على قولك راح جاوبها وهو على نياتو الله يهدي …
ابو ديبو : ايوه شو جاوبها يا اخوك كمل كمل .
الدكتور : وراح قلها : قضيت اجمل حياتي غير مع اصحابي والايام الحلوة لانوا ف الاحلى منها .. قضيتها في حضن مره ولا عمري بنساها في حياتي ولو بعيش مليون سنة واكيد مش انتي طبعا .
ابو ديبو : له له له يا ابو حاتم الله يسامحك على صراحتك المتناهية .
الدكتور : بس المشكلة يا ابو ديبو انه صاحبك الفهمان ما لحق يقول لمرته ( انها امه ) .
انتهت الحلقة الثامنة عشر ..
.. هذه الحلقة ستكون مرئية على الشاشات .. رمضان 2016
لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami