يوميات ابو ديبو .. الحلقة الخامسة عشرة .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الخامسة عشرة .. للكاتب سرهاب البسطامي 
عنوان الحلقة : البيت نظيف

** ابو ديبو يدخل المنزل ويجده نظيفا ويبدأ الاستغراب على وجهه ويتمتم :

ابو ديبو : شو معقول هاظ بيتنا ولا انا مخربط .. ( وينادي ) يا ام ديبو . ام ديبو .
ام ديبو : اهلين ابو ديبو .. يعطيك العافية انت اجيت .
ابو ديبو : انوا انا .
ام ديبو : اسم الله عليك ولا مين يعني .
ابو ديبو : لا مش هيك قصدي بس انا مستغرب من وضع البيت بصراحة وخفت اكون متخربط وداخل بيت ناس ثانية .
ام ديبو : ليش شو ماله البيت . شو مالك يا زلمة اليوم .
ابو ديبو : لا ولا اشي يا حرمة بس مستغرب شكله بدو يجينا ضيوف .
ام ديبو : لا يا زلمة ليش بتسال .
ابو ديبو : لا عشان البيت نظيف فكرت في حدا بدو يجي عنا .
ام ديبو : يعني هو البيت ما بنظف الا لما يجي حدا عنا .
ابو ديبو : اها معناتوا شكله الفيس بوك والواتساب انقطعوا .
ام ديبو : ولا نقطعوا ولا شي .
ابو ديبو : غريبة .
ام ديبو : شو غريبة ما غريب الا الشيطان – خير يا زلمة فيك اشي اليوم انت مش طبيعي
ابو ديبو : يا حرمة انا ما فيه اشي بس بقولك انا مستغرب من نظافة البيت .
ام ديبو : يا زلمة كل القصة اني ضيعت شاحن تلفوني واضطريت انظف البيت عشان الاقيه .

انتهت الحلقة الخامسة عشرة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami