يوميات ابو ديبو .. الحلقة الثالثة عشرة .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الثالثة عشرة .. للكاتب سرهاب البسطامي
عنوان الحلقة : مش حسد ضيقة عين

** ابو ديبو وصاحبه ابو حاتم مش تاركين حدا في حاله ..

ابو ديبو : طل طل يا اخوي ابو حاتم شايف اللي انا شايفه .
ابو حاتم : شايف ومش حابب اشوف يا سيدي .
ابو ديبو : شوف يا حبيبي ما صرله يومين مبدل سيارته يا زلمة صار جايب سيارة جديده .
ابو حاتم : شايف يا حبيبي شايف – عيني عليه بارده .
ابو ديبو : طل خذلك هظاك الثاني حامل تلفون والله سيد سيدك ابو حاتم ما حمله وياريت تلفون تقول محل تلفونات وماشي يا زلمة .
ابو حاتم : شايف يا زلمة والله شايف ومن كثر ما شفت عفت .
ابو ديبو : يا حبيبي خذلك هذيك تقول محل مجوهرات وماشيه يا زلمة شو هالناس يا اخي من شان الله جاوبني شايف اللي انا شايفه .
ابو حاتم : يا ابو ديبو وحياتي عندك – وحياة قلبي وافراحه – اني شايف بس يا اخي انا اللي نفسي افهمه من وين بجيبو كل هالمصاري .
ابو ديبو : والله يا اخوي يا ابو حاتم انا اللي بعرف وبفهم في كل شي – هالسؤال محيرني ومش قادر القاله جواب .
ابو حاتم : بس يا زلمة صدقني هذول الناس اللي معهم مصاري مش مرتاحين نفسيا .
ابو ديبو : خذلك الثاني خذلك ابو نفسية قال مش مرتاحين نفسيا قال على اساس احنا اللي مرتاحين نفسيا يا حبيبي .

انتهت الحلقة الثالثة عشرة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami