يوميات ابو ديبو .. الحلقة الحادية عشرة .. للكاتب سرهاب البسطامي
وكالة الناس – خاص وحصري – يوميات ابو ديبو .. الحلقة الحادية عشرة .. للكاتب سرهاب البسطامي
عنوان الحلقة : لزقة
** ابو ديبو في السيارة هو وزوجته ام ديبو وامه وحماته ..
** ( الزوجة جالسة بالامام وخلفها مباشرة حماتها وبجانبها امها ) ..
ابو ديبو : والله السيارة منورة نيالي يا عمي نيالي كل الحبايب معي . منورة يا حجة .
ام ابو ديبو : الله يرضى عليك يا امي منورة بوجودك .
ابو ديبو : الله يخليك يا امي تاج فوق راسي .. منورة حماتي منورة .
حماة ابو ديبو : منورة بوجودك ابو ديبو .
ابو ديبو : يكلم نفسه – هاي صدقت انها منورة –
ابو ديبو : هلا هلا بحماتي . ان شاء الله مبسوطة بالطلعة .
حماة ابو ديبو : طبعا مبسوطة بس لو بدنا نغلبك ابو ديبو حطلنا شريط نسمعة نفرفش .
ابو ديبو : يكلم نفسه : يا حبيبي هاي بدها تسمع اغاني وتفرفش مفكرة حالها طالعة رحلة
ابو ديبو : شو بتحبي تسمعي يا حماتي .
حماة ابو ديبو : شو عندك اشرطة .
ابو ديبو : يكلم نفسه : شو .. شو عندي اشرطة حدا قلها عني فاتح محل اشرطة في سيارتي وانا مش عارف .
ابو ديبو : والله مثل ما انت شايفة يا حماتي ما عندي لا مسجل ولا اشرطه عندي راديو منيح . ولا اقلك استني شوي استني الشرطي بأشرلي .
** شرطي المرور يوقف ابو ديبو .
شرطي المرور : مرحبا .
ابو ديبو : هلا هلا يعطيك العافية سيدي .
شرطي المرور : في مجال رخصك .
ابو ديبو : تفضل سيدي انا قانوني ميه الميه وبحب امشي قانوي
شرطي المرور : ممتاز انا بحب الناس اللي بمشو قانوي .
ابو ديبو : ذيبك انا ذيبك .
شرطي المرور : مين هدول اللي معك .
ابو ديبو : هذول هذول كلهم الروح .
شرطي المرور : كيف يعني الروح – مش فاهم . وضحلي اكثر .
ابو ديبو : يضحك ويقول ( هههههه ) هاي اللي بجنبي هاي مرتي .. حبيبة الروح .
شرطي المرور : واللي وراها مين هاي . اللي لابسه منديل .
ابو ديبو : هاي هاي حجتي روح الروح يا سيدي .
شرطي المرور : الله يخليلك اياها .
ابو ديبو : تسلم يا سيدي ويخليلك احبابك .
شرطي المرور : ومين اللي جنبها . برضو اللي لابسة منديل .
ابو ديبو : يضحك ( هههههه ) هاي – هاي يا سيدي حماتي هاي وين ما نروح بتروح .
انتهت الحلقة الحادية عشرة ..
هذه الحلقة ستكون مرئية على الشاشات .. رمضان 2016
لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami