يوميات ابو ديبو .. الحلقة السابعة .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة السابعة .. للكاتب سرهاب البسطامي
عنوان الحلقة : اسألك سؤال

** ابو حاتم يجلس هو وصديقه ابو ديبو في حديقة عامة – ويدور بينهما الحوار التالي :

ابو حاتم : بالله يا اخوي يا ابو ديبو بدي اسألك سؤال – اذا بتجاوبني عليه وعندك معلومة .
ابو ديبو : اسال يا اخوي يا ابو حاتم – ولو ذيبك انا – انت بتعرفني بفهم في كل اشي .
ابو حاتم : طيب يا ابو العريف كونك بتعرف في كل اشي ممكن تقولي شو هي الاسباب اللي بتخلي الشاب يلحق البنت دايما ؟

ابو ديبو : اها – حطيت ايدك على الجرح يا ابو حاتم .. عد على ايدك يا حبيبي :

اول اشي بجوز يكون خايف عليها تضيع بالشارع وهاظ يا سيدي العزيز من النوع الحنون – وبجوز يكون خايف عليها من الشباب الصايعيين وهاظا من النوع اللي دمه حامي – وبجوز يكون مشبه عليها وهاظا من النوع الشكاك – وبجوز يكون بدو يعرف وين بيتها منشان يشتريه وهاظ من النوع التجاري – وبجوز البنت تتعب بالطريق فلازم يكون موجود منشان يساعدها وهاظ من النوع الرومانسي – وبجوز تصدمها سيارة ويروح ينقذها وهاظ من النوع البطل .

ابو حاتم : واااال كل هاظ يا زلمة .

ابو ديبو : ولا شو بتفكر يا زلمة – وازيدك من الشعر بيت – هاظ كله قلة ( وعي ) من الشباب وقلة ( اواعي ) من البنات .

انتهت الحلقة السابعة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami