الحلقة الخامسة .. من يوميات ابو ديبو .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الخامسة .. للكاتب سرهاب البسطامي
عنوان الحلقة : المعاملة ناقصة

** ابو ديبو يجلس مع ابنه ديبو ويدور بينهما الحوار التالي :

ابو ديبو : آه يابا يا ديبو – هيك تخرجت من الجامعة – شو ناوي تساوي هسه .
ديبو : والله يابا مش معقول اقعد في البيت يعني اكيد راح ادور على وظيفة .
ابو ديبو : الله يوفقك يابا ويعلي مراتبك – يعني مجهز امورك واوراقك كلها جاهزة .
ديبو : اكيد يابا كل شي جاهز واوراقي جاهزة كلها ومصدقة كمان .
ابو ديبو : منيح يابا تمام ومتى ناوي تروح تقدم على وظيفة ان شاء الله .
ديبو : بصراحة يابا انا مش حابب اروح اقدم على وظيفة .
ابو ديبو : ليش يابا خير شو في ليش مش حابب تروح تقدم على وظيفة حابب ترتاح شوي يعني .
ديبو : لا يابا مش قصة راحة ولا اشي .
ابو ديبو : ولا شو القصة فهمني – الفار بلش يلعب في عبي – شكلك مش ماخذ الشهادة وبتتخوث علينا يابا .
ديبو : : لا يابا كل اوراقي جاهزة وهاي شهادتي ومصدقة وهي المعاملة شوفها كمان .
ابو ديبو : ما بدي اشوف شي بس انت ليش ما بدك تروح تقدم على وظيفة يا زلمة والله حيرتني معك .
ديبو : لا تحتار يابا ولا شي – بس المشكلة انه معاملتي ناقصة اهم شي فيها .
ابو ديبو : الله يجيبك يا طولت البال كيف ناقصة وانت بتحكيلي انه اوراقك كلها جاهزة ومصدقة . يا زلمة لا تحيرني شو ناقصة معاملتك .
ديبو : ناقصة يابا فيتامين واو .
ابو ديبو : شو هاظ فيتامين واو كبسولات – هو انت بتتخوث علي .
ديبو : لا يابا فيتامين واو ( يعني واسطة ) .

انتهت الحلقة الخامسة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami