يوميات ابو ديبو .. الحلقة الرابعة .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الرابعة .. للكاتب سرهاب البسطامي
عنوان الحلقة : مطر بالصيف

** ابو ديبو ينظر من النافذة وام ديبو في المطبخ تقوم بغسل الاطباق وفجأة يصرخ ابو ديبو وينادي ( ام ديبو ) ..

ابو ديبو : ام ديبو يا ام ديبو وينك يا حرمة .
ام ديبو : شو في يا زلمة استنى شوي بس اخلص هالجليات .
ابو ديبو : فلتك يا حرمة من هالجليات وتعالي شوفي هالظاهرة الغريبة احنا بلادنا صارت بلاد العجايب .
ام ديبو : شو في يا زلمة خير ان شاء الله ..
ابو ديبو : يا حرمة عمرك شوفتي الدنيا بتشتي بعز الصيف .
ام ديبو : بالله عليك انت بتحكي من كل عقلك يا ابو ديبو . دنيا بتشتي بعز الصيف .
ابو ديبو : اه يا حرمة تعالي قربي عندي ع الشباك وشوفي بعينك .
ام ديبو : ابعد غاد خليني اشوف هالظاهرة الغريبة اللي بتحكي عنها .

** ام ديبو بعد ان تنظر من النافذة : تضحك ( هههههه ) انت بتحكي صح بس معقول انت اول مرة بتشوف هالظاهرة الغريبة يا زلمة .

ابو ديبو : يا حرمة انتي ليش محسستيني اني جاي من بلاد برة خوف الله .
ام ديبو : يا زلمة هاي الظاهرة موجودة وتعودنا عليها ومش غريبة وخاصة بالصيف .
ابو ديبو : كيف يعني تعودنا عليها ومش غريبة شو اللي بتسولفي فيه قاعدة يا حرمة .
ام ديبو : هاي يا زلمة جارتنا ام محمد بتنشر غسيلها على الشباك وجارتنا ام العبد بتنشر سجاداتها على السطح والمي بتنزل علينا .

انتهت الحلقة الرابعة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami