غادة عبدالرازق: بحب قراءة تعليقات الجمهور .. وبمر بفترات اكتئاب مثل الجميع

وكالة الناس –  أكدت الفنانة غادة عبدالرازق، حاجتها المستمرة لرؤية تعليقات الجمهور الإيجابية حولها، والتي تشجعها في الاستمرار بتقديم أعمالًا رائعة.

وقالت غادة عبد الرازق في تصريحات تليفزيونية: فيه ناس بتقولي انتي حوت تمثيل وفيه ناس تقولي انتي غول تمثيل، وفيه ناس تقولي انتي الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه.

وعن متابعتها لتعليقات الجمهور دائمًا، علقت غادة: بحب أسمع التعليقات.. أنا لازم أسمع من جمهوري كل شوية.. أنا بحبك انتي شاطرة انتي لسه ممثلة محتفظة بـ الرونق اللي انتي فيه لازم أسمع ده، لإني لولا الجمهور بيقولي كده معرفش أكمل.

واستكملت غادة حديثها: الجمهور بيقولي انتي ممثلة هايلة وشاطرة وبنحب شخصيتك وحبك لبنتك وأحفادك، وبنحب إن أنتي بتظهري على حقيقتك، وبنحب إن انتي صريحة، وساعات صراحتي مؤذية وأذيتني شخصيًا.

وعن تعرضها لمشكلات شخصية، اختتمت غادة حديثها: أنا بني آدمة زي أي حد وعندها مشاكل زي أي حد، وممكن أمر بأزمة مالية زي أي حد.. وممكن أتعب وأروح المستشفى زي أي حد وممكن أكون قاعدة في البيت عندي حالة اكتئاب ولامه شعري وقاعدة على الكنبة.. وممكن أقعد على الكنبة لمدة 4 أيام ولا استحميت ولا قمت.