رامي جمال يصف عمرو مصطفى بالنرجسي ! وعمرو يرد:مطرب درجة خامسة

وفي التفاصيل، أطل رامي جمال في برنامج حبر سري مع أسما إبراهيم التي سألته عن رأيه بتصريح عمرو مصطفى “أن المبدع هو الملحن والفنان هو أداة”؟ ليرد رامي ويقول”مفيش حاجة في الدنيا متوقفة على شخص والملحن من غير شاعر وموزع شاطر أداة والمطرب الشاطر اللي سماه أداة غير كده مكانش هيبقى قاعد يتكلم إنه ملحن شاطر في الحقيقة في نوع من النرجسية أنا مش بحبه وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن”.

ليأتي رد عمرو مصطفى على تصريحات رامي جمال من خلال رسالة مطوله عبر فيسبوك قال فيها:”هو أنا اترككم تتعدوا بشكل غير قانوني على الحاني يعني ولحن تم غنائه في برنامج علي الهواء خدته وعملت منه أغنيه وصورتها وفي الآخر طالع تقول عليا نرجسي.. نحن في زمن يصدق فيه الكاذب ويكذب فيه الصادق أقسم بالله لو شوفتك في اي مكان انت واشكالك لن تجدوا مني غير نظره احتقار واوعي تجري تسلم عليا زي ما عملت قبل كده علشان ههزائك واوعي تجيب اسمي تاني في مكان علشان هقاضيك انت وكل اللي شبهك مطربي الدرجه ( الخامسه ) زمن الرويبضة”.

وأضاف: “أنا نرجسي أنا مغرور أنا منفصل عن زمايلي وفي حالي ومش بكلم حد في الوسط .. ارتاحوا بقي وبطلوا تذكروا اسمي في كل مكان اقعدوا اعملوا لجان في كل حته تطلع تشتمني وبرامج مخصوص لمهاجمتي كل ده لاني لازم أكون منافق واشكر في ناس منافقه علشان صورتي تكون كويسه قدام الناس طيب انا عايز صورتي تكون وحشه ارتاحوا بقي”.