بوسي.. “كان نفسي أكون بجانب أبويا وقت وفاته لكني عرفت بعدها بيومين”

قي حديثها عن زوجها ، قالت أنها لا تخفي ضعفها أمامه وبعض الأوقات تبكي فى حضنه، بسبب ما تتعرض لها سواء من مشاكل نفسية وعصبية  من أقرب الناس إليها : “أن الله سبحانه وتعالى يعطي كل شخص على قدر تحمله ولكني أحيانا أشعر بالتعب بسبب معاناتي من أقرب الناس لي ويقابلون مساعدتي بالجحود”.

وأضافت بوسي أنها تعرضت للعديد من الخيانات في حياتها الشخصية، وهذا لا يعني خيانة من رجال ولكن خيانات من الناس بشكل عام ما جعلها لا تثق بهم.

وكشفت بوسي عن آخر عمل فني عرض عليها للتمثيل به قائلة:” عرض عليا عمل مع النجم ياسر جلال في رمضان ولكن ليس في رمضان الماضي، وكان نفسي أشتغل معاه وهو محترم، والدور مكانش كبير ورفضت حينها وكان أحد أسباب اعتذاري الأمور المادية، وفي النهاية لم نتواصل لحل ولكن أتمني العمل مع ياسر جلال والعمل مع أي ممثل يضيف لتاريخي فني”.

وتابعت :” أفلام السبكي ضرتني كممثلة وكان شايفني مطربة بس وكان ممكن يستغلني أحسن من كدا”.

وعن معاملتها مع والدها الراحل، وتفاصيل إخبارها بوفاته، فقالت بوسي:” ساعة وفاة أبويا كنت تعبانة وعندي نزلة معوية وقافلة تليفوني، وكنت معلقة محاليل، ومحدش كان عارف يوصللي، وعرفت بعدها بيومين بعد مافتحت تليفوني لقيت رسائل تخبرني بعمل جنازة والعزاء، سألت لو عليه ديون لحد يبلغوني أدفعها، وعرفت إنه مش مديون”.

وتابعت:” كان نفسي أكون جنبه قبل وفاته، ولكن هو طول الوقت مكانش موجود ومش حاسة بالذنب تجاهه وعمري ما قصرت معاه”.

ونفت بوسي تصريحات طليقها بأنه كان يصرف عليها مبالغ مالية ضخمة، قائلة:”هو بيقول صرفت عليها، جيبوا صوري زمان وشوفوا منظري، ده مش منظر واحدة مصروف عليها الأرقام اللي بيقولها، أنا كنت ست وراجل البيت وصرفت وعملت كل حاجة، حتى الأغاني من فلوسي لكن كان كاتب التنازلات باسمه ويقول من إنتاجي”.