للمرة الأولى مع خطيبته.. محمد محمود عبدالعزيز يحتفل بخطوبته وعيد ميلاده (فيديو)
وكالة الناس – كشف الفنان محمد محمود عبدالعزيز مفاجأة أعدّتها خطيبته بمناسبة يوم ميلاده، للاحتفال مع المقربين والأصدقاء.
وقال مُعلقًا على المفاجأة عبر صفحته الشخصية بـ«انستجرام»: «خطيبتى عملتلي مفاجأة عشان عيد ميلادي وبرغم إننا متفقين من أول يوم إننا مش هنفاجئ بعض بأي حاجة بس هي كانت عايزة تفرحني بأي طريقة وجمعتلي أصحابي وحبايبي اللى بجد عايز أشكرهم جدا واحد واحد وواحدة واحدة بجد».
وتابع: «مش عارف أقولكم ولا أشرحلكم وجودكم فرحني إزاي والله ما كنت عايزكم تروحوا، المهم إن أنا من يومين حسيت إحساس أقرب إلى اليقين إنها بتحضر لحاجة وقررت جوايا إن لو طلع احساسى صح أنا كمان لازم أفاجئها وفي نفس اليوم».
وردا على مفاجئتها خلال مقطع فيديو نشره ويقول لها: «ميرسي على كل حاجة إنتي غيرتي القانون وعملتي مفاجأة فأنا معملتش حاجة من وقت ما اتخطبنا عشان كورونا»، وقدم لها خاتما ليضعه في يدها أمام الجميع واحتفل مع الأصدقاء والحضور في عيد الميلاد بخطبتهما.