تزوجته عن حب .. والان احس بالندم
وكالة الناس – انا من سنه تقريبا اتزوجت انسان عن حب و هوه انسان اكتير طيب و مؤدب بس المشكله اني من بعد ما اتزوجتو صرت اشعر بندم كبييييير
مع انو اول و آخر حب بحياتي….صرت احس انو مش هادا الانسان الي كنت بطمح اني اتزوجو و ابني معو عيله و ايكون ابو اولادي ..
شخصيتو مش قويه و اكتير من الاحيان بتصرف بعدم نضوج و عنيد اكتير و ابياخد اذن اهلو بكل شي بعملو يعني كأنو عمرو 15 سنه….
حتى عايشين بقلق دايما لأنو مو راسمين أي خطة لحياتنا…. انا عم بساندو بكل شي و عم بضحي بأشياء اكتير عشانو و حتى اني من فترة
سقطت من كتر ما نفسيتي تعبانه….بس حاسه بعدم الاستقرار معو و بلشت احس انو حبي الو عم بيقل كل يوم ….حاسه انو رح يضيعني ….
هوه مش قد مسؤولية الزواج و العيله..لساتو دلوع اهلو المدلل.. خايفة وما عارفه شو اعمل…. شو ابتنصحوني اعمل؟ ‘