هالة صدقي: أنا كبرت ومش حقدر أخدع الجمهور

وكالة الناس – علقت الفنانة هالة صدقي على اختيارها لتقديم شخصية أم محمد رمضان في مسلسل “جعفر العمدة” الذي عُرض ضمن المسلسلات المصرية لموسم رمضان 2023، وقالت إنها تقدمت في العمر، ولا يمكنها خداع الجمهور لأنه يعرف متى بدأت التمثيل، ولا تجد مانعاً في تقديم دور الأم لأنها سبق وقدمت شخصية “أم محمود ياسين” وكان عمرها 19 عاماً فقط.

أضافت هالة صدقي في حوارها مع الإعلامي معتز الدمرداش لبرنامج “ضيفي”: “أنا كبرت في السن والجمهور شايفني من وأنا صغيرة ومينفعش أقول إني لسه صغيرة لأن أدواري اتحرقت، لكن كل حاجة بعملها بتكون مميزة وأنا بتميز عن جيلي إني بقدر أعمل الكوميدي والدرامي”.

أما عن حصرها في دور الأم في أعمالها الفنية، فعلقت هالة صدقي قائلة: “أنا عملت أم لـ محمود ياسين وأنا عندي 19 سنة في فيلم الأفيال، وأنا طبيعي كبرت ومش صغيرة ولكن مش لدرجة إني أكون أم أحمد فهيم في جعفر العمدة، ولكن مش هنضحك على الجمهور هو شايفني من أمتى لـ أمتى، وأدوار اتحرقت خلاص ولازم أنقل المرحلة العمرية التانية ومش لازم البطلة تكون حسناء”.

وتابعت هالة صدقي: “أنا راضية عن مشواري الفني جداً وكان ممكن يكون أفضل، بس أنا بفكر في أنه يبقى أطول، ويمكن أنا حاطة في دماغي هدى سلطان ومن وأنا صغيرة شايفة الخط بتاعها ماشي إزاي، لأنها فضلت لآخر دقيقة نجمة، واتصالحت مع نفسها لما طلع شباب صغير معاها مشيت مع الموجة”.

وأضافت: “الأستاذة كريمة مختار فضلت نجمة لآخر لحظة وكانت بطلة في مسلسل يتربى في عزو، مش الأم بس يعني بيبقى في صراع في دور الأم والمخرجين مش بيهتموا أوي”.

وكشفت هالة صدقي عن تفكيرها في اعتزال الفن قبل تقديمها شخصيتها في مسلسل جعفر العمدة، التي حققت من خلالها نجاحاً كبيراً، موضحة أنها مهما كانت الشخصية التي ستقدمها فيما بعد سيقارن الجمهور بينها وبين شخصية صفصف في جعفر العمدة.

وقالت هالة صدقي: “كنت بفكر أعتزل الفن قبل دوري في جعفر العمدة، لأن فيه كام تجربة ورا بعض حسيت إن الحكاية باظت شوية مش ده إللي أنا متربية عليه، يعني المخرجين الورق بيتكتب في اللوكيشين والبطل ممكن يلغي المؤلف خالص ويغير مخرجين، وألاقي لو في بطل أو بطلة تاني نفطس دور تاني عشان نجاملها، ودول بيشتغلوا لمصلحة أشخاص، الكويسين بقوا قليلين أوي”.

وأردفت: “محمد سامي مخرج مختلف وشارب من الجيل القديم، هو كوكتيل من قديم وجيل جديد بنظرة جديدة، وقبل ما يكتب صفصف كلمني وقالي جالي فكرة أكتبها؟ بس هي أم لولدين كبار قولتله أنا ممثلة، هو ممثل مش حقيقي ومتواضع وبيفكر برا الصندوق، وعلشان كده هو محمد رمضان ركبوا مع بعض جداً لإنهم بيفكروا برا الصندوق”.