زينة ترد على أحمد عز "جاحد شيطان "

 وكالة الناس – ردت الفنانة المصرية زينة، على التصريح الأخير للفنان أحمد عز، على حكم القضاء المصري بإثبات نسب توأمها له بقوله: “برضه مش ولادي”، قائلة: جاحد شيطان فرخه حتى ماحصلش دجاجة.

زينة، قالت عبر صفحتها الشخصية بموقع “إنستجرام”: “الحمد لله، بشكر القضاء المصري العظيم اللي اظهر الحق الحمد لله عاوزه أوضح حاجه علشان الكذب المستمر، الحكم الحمد لله بيعتمد علي إثبات الزواج وبناء عليه تم إثبات النسب انا كنت ملتزمة الصمت واتعرضت للإشاعات الحقيرة وكنت بشوف اللي بيتقال عليا والحقيقة إني كنت واثقه في عدل رينا الحمد لله” .

وأضافت: “الانتصار ده انتصار مش ليا لوحدي ده للستات كلهم القضية دي في منها كتير بس قضيتي اتحولت لرأي عام علشان أنا مشهورة والطرف التاني برده،نفسي كل ست مظلومه تاخد حقها حتي لو غلطت واتجوزت وأحد عديم الضمير والانسانية و كداب بس كداب حتي في النفس اللي بيتنفسه ،ربنا يكفي كل البنات شر عديمي الرجولة ويكرم كل البنات بناس محترمه تحافظ عليهم وأكيد في ناس محترمة كتير”.

وتابعت: “يارب يستر كل البنات ويحفظهم، ربنا اظهر الحق الحمد لله وأنا عاوزه أعيش واربي ولادي وأشوف شغلي وانسي الأيام السودة اللي شفتها من أول الجواز لغاية يوم الحكم، مش عاوزه اسمع اسم أبو أولادي ده تاني ولا حتي حد يغلط فيه علشان مايصحش للأسف علشان ولاده، وربنا كبير ولسه حسابه عند ربنا الله يكون في عونه بقي ساعة الحساب اللي مافيهاش معجبات”.

واختمت كمها قائلة: “فرحت الناس بظهور الحق اكتر حاجه حسستني إن الناس معايا او تحديدا مع الولاد، مين ممكن يعادي أطفال ويظلمهم غير جاحد شيطان فرخه حتى ماحصلش دجاجه