يوميات ابو ديبو .. الحلقة الأخيرة .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الأخيرة .. للكاتب سرهاب البسطامي
عنوان الحلقة : مش طريقي

** ابو ديبو يخرج من وظيفته وينتظر تاكسي للعودة الى منزله :

ابو ديبو لاول سائق : مرحبا حبيبي على جبل اللويبدة .
صاحب التاكسي : لا مش طريقي .
ابو ديبو : مش طريقك .. آسفين حبيبي بس ما يكون ازعجتك .
ابو ديبو لثاني تاكسي : مرحبا حبيبي على جبل اللويبدة .
صاحب التاكسي : لا مش طريقي عندي طلب ومستعجل .
ابو ديبو : عندك طلب ومستعجل روح حبيبي الله يوفقك .
ابو ديبو لثالث تاكسي : مرحبا يا اخوي على جبل اللويبدة .
صاحب التاكسي : والله انا مروج ومش طريقي . وبعتذر منك .
ابو ديبو : بعتذر منك تقول انا مشارك في برنامج ارب جود تالند . وبتقولي بعتذر منك .

** ابو ديبو يوقف تاكسي رابع ويقول صاحب التاكسي لابو ديبو وين رايح عمو ..

ابو ديبو : انا وين رايح والله يا حبيبي رايح محل ما انت رايح لو ما بضايقك .
صاحب التاكسي : شو بتمزح حظرتك .
ابو ديبو : لا والله يا اخوي بس انا بطلت اعرف وين رايح ..كل واحد بشتغلل على مزاجو .. احكيلك خذني على وسط البلد .
صاحب التاكسي : اسف عمو مش طريقي انا رايح على جبل اللويبدة .

انتهت الحلقة الأخيرة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي

https://www.facebook.com/serhabboustami