يوميات ابو ديبو .. الحلقة الثالثة والعشرون .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الثالثة والعشرون .. للكاتب سرهاب البسطامي 
عنوان الحلقة : غريبة

ابو ديبو يجلس مع صديقه ابو حاتم ويبدأحوار بينهما :

ابو حاتم : والله يا اخوي يا ابو ديبو هالوضع صاير صعب كثير .
ابو ديبو : خير ان شاء الله شو مالك يا زلمة فضفض .
ابو حاتم : والله يا اخوي يا ابو ديبو ماني ملحق على هالحياة وكل شي صاير غالي ونار .
ابو ديبو : هو بالله بدي اسالك اخوي ابو حاتم انت قديش بتوخذ راتب عدم المؤاخذة .
ابو حاتم : والله يا اخوي ابو ديبو بدون مؤاخذة بوخذ 350 دينار .
ابو ديبو : واااال .. شو بتحكي 350 دينار .. والله مكثرهن يا ابو حاتم وكيف مقسم هالراتب بالله كمان عدم المؤاخذة .
ابو حاتم : شو بدي احكيلك تاحكيلك .
ابو ديبو : احكي يا زلمة فضفض .
ابو حاتم : يعني مندفع يا خوي يا ابو ديبو 150 دينار اجار بيت وعندك يا طويل العمر والسلامة بلحقك 30 دينار كهرباء وبلحقك يا سيدي العزيز 50 دينار مصروف مواصلات لشغلي وبلحقلك يا حبيبي 30 دينار مصروف هالاولاد في المدارس ويعني بضل حوالي 90 دينار منهن علاجات واكل وشرب وزيارات وما شابه ذلك . وانت بتعرف الوضع 90 دينار يا دوب بس يطعمونا انا والحرمة والاولاد 10 أيام في هالشهر ..
ابو ديبو : بتحكي جد يا ابو حاتم .
ابو حاتم : فش مزح بهالموضوع يا ابو ديبو . يعني ليش انت متفاجئ .
ابو ديبو : انا اللي مفاجئني بالموضوع انك لسه عايش .

انتهت الحلقة الثالثة والعشرون ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي

https://www.facebook.com/serhabboustami