يوميات ابو ديبو .. الحلقة الثانية عشرة .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الثانية عشرة .. للكاتب سرهاب البسطامي
عنوان الحلقة : اصبعك حصانك ان صنته صانك

** ديبو يسأل والده ابو ديبو سؤال ..

ديبو : يابا بدي اسالك سؤال .
ابو ديبو : مش فاضيلك هسه مش شايفني بتفرج على التلفزيون .
ديبو : كله سؤال يابا وحابب اعرف اجابته .
ابو ديبو : اسال يا حبيبي ما انا قاعد للاسئلة بس وهي طفينا التلفزيون تفضل يا حبيب امك اسال .
ديبو : يابا انت كيف تعلمت الحكي .
ابو ديبو : مش معقول يابا تعلمت الحكي من ايدي اكيد من ثمي يابا ( ويضحك ) هههههه – كيف يعني كيف تعلمت الحكي وضحلي سؤالك الله يرضى عنك لاني مش فاضيلك .
ديبو : مش هيك قصدي يابا – يعني كيف بتقدر تحكي مع الناس في امور هالحياة .
ابو ديبو : اااه – هسه فهمت سؤالك قصدك كيف بقدر اخذ واعطي مع الناس مش هيك سؤالك يابا .
ديبو : اها هاظ سؤالي يابا .
ابو ديبو : هاظ كنا يابا يا ديبو نقعد في المجالس ومع الرجال ونتعلم من الكبار كيف كانوا يحلوا مشاكل الناس ومشاكل هالحياة ونفهم شو بحكو ولما كبرنا صرنا نعرف نحكي وصرنا احنا نحل مشاكل هالناس ومشاكل هالحياة .
ديبو : يعني يابا لازم انا اروح اقعد في المجالس على شان اصير اعرف احكي واحل مشاكل الناس ومشاكل هالحياة واصير اخذ واعطي مع الناس .
ابو ديبو : ( يضحك ) ههههه انا يابا بحكي على زمنا احنا – اما على زمنكم انتوا الوضع مختلف .
ديبو : كيف يعني مختلف .
ابو ديبو : اها قلتلتي كيف يعني مختلف – يعني على زمنكم يابا اتطورت هالحياة والتكنولوجيا يعني انتوا في زمن الأيفون , والفيسبوك , والواتساب , والتويتر ,
يعني اصابعكم اللي بتحكي يابا وبتحل المشاكل وصرتوا تباركوا للناس وتعزوهم عن طريق هالبرامج الجديدة تبعتكوا ..

يعني اذا لا سمح الله انقطع اصبعك ضاع مستقبلك .

انتهت الحلقة الثانية عشرة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami