يوميات ابو ديبو .. الحلقة الثامنة .. للكاتب سرهاب البسطامي

         وكالة الناس –  خاص وحصري – يوميات ابو ديبو .. الحلقة الثامنة .. للكاتب سرهاب البسطامي 
عنوان الحلقة : قدرة التحمل

** ابو ديبو ممسكا بجريدة وهو مبتسم وبجانبه ام ديبو :

ابو ديبو : مبتسم – ويتمتم – اها – اها – اها .
ام ديبو : شو مالك يا زلمه بتحكي مع حالك – شو في . شو بتقرأ قاعد ومبتسم .
ابو ديبو : والله هاظ الخبر كويس يا ام ديبو وعجبني كثير .
ام ديبو : انو خبر يا زلمة .
ابو ديبو : مكتوب انهم عاملين مسابقة لقدرة التحمل .
ام ديبو : طيب يا زلمة شو يعني .
ابو ديبو : شو شو يعني انا بدي اروح اشارك في هالمسابقة .
ام ديبو : انت بدك تروح تشارك في هالمسابقة – اللي بسمعك يا زلمة بقول انك رياضي من الدرجة الاولى وانك بتقدر تتحمل . وانت يا دوبك بتقدر تتحمل تطلع الدرج .
ابو ديبو : طيب شو رايك يا ام ديبو – انا اذا رحت على هالمسابقة راح اجيب المركز الاول .
ام ديبو : المركز الاول يا لطيف الطف قول العاشر قول الاخير بجوز اصدق .
ابو ديبو : شو لهادرجة مش عارفه شو قدراتي على التحمل .
ام ديبو : اي قدرات يا زلمة . قول وغير .
ابو ديبو : يا ام ديبو انا عندي قدرة تحمل كبيرة ومنها : عندي قدرة على تحمل ارتفاع درجات الحرارة العالية في الصيف مقابل اني اوفر من فاتورة الكهربا العالية – وقدرات تحمل للبرودة في الشتا على شان جرة الغاز غالية وما عندي قدرة اشتري كل ثلاث ايام جرة – وعندي قدرة على تحمل الجوع والعطش على شان يا دوبك الراتب بكفي – واهم من هاظ كله انو عندي قدرة على تحمل ارتفاع الاسعار .

انتهت الحلقة الثامنة ..

هذه الحلقة ستكون مرئية على الشاشات .. رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami