يوميات ابو ديبو .. الحلقة السادسة .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة السادسة .. للكاتب سرهاب البسطامي
عنوان الحلقة .. ما في وقت

** ابو ديبو يعود من عمله وينادي ام ديبو :

ابو ديبو : ام ديبو يا ام ديبو .
ام ديبو : هلا والله يعطيك العافية يا ابو ديبو .
ابو ديبو : الله يعافيكي ويرضى عنك يا حرمة . شو جاهز الغدا ترى عصافير بطني بتزقزق .
ام ديبو : لا والله لسه بدي كمان ساعة .
ابو ديبو : شو بتقولي – كمان ساعة وليش لهسه مش مخلصة الغدا .
ام ديبو : والله ما لحقت اليوم يا ابو ديبو . واليوم ما كان في وقت .
ابو ديبو : كيف يعني ما لحقتي اليوم – شو في باقي عندك – تيكون ما في عندك وقت .
ام ديبو : ما انا بحكيلك ما لحقت اليوم يا زلمة مطاردة في هالبيت .
ابو ديبو : اها – قلتيلي ما لحقتي مطاردة في هالبيت . بتعرفي يا ام ديبو انتوا الستات مبطلين تعرفوا تعملوا اي اشي . ومحملينا جميلة في شغل هالبيت .
ام ديبوا : ليش يا زلمة بطلت انفع انا هسه وبطلت اعرف اشتغل .
فعلا انتوا هالزلام اكلين نكارين .
ابو ديبو : ( ههههه ) وشو مالك عصبتي يا حرمة . شو غلطت معاكي انا .
ام ديبو : هسا يا ابو ديبو بطلت انا ست بيت شاطرة .
ابو ديبو : مش هيك قصدي يا حرمة .
ام ديبو : ولا شو قصدك يعني . اه شو قصدك .
ابو ديبو : قصدي انوا صار في تاخير في كل امور البيت .
ام ديبو : هو انا ملحقة عليك ولا على ولادك ولا على البيت .
ابو ديبو : ما شاء الله عليكي مش ملحقة قلتيلي – بس عندك وقت تلحقي وتوفقي بين الفيس بوك والواتساب والتويتر والانستجرام واهم شي انك موصلة مرحلة متقدمة في الكاندي كراش .

انتهت الحلقة السادسة ..

هذه الحلقة ستكون مرئية على الشاشات رمضان 2016 ..

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami