الحلقة الثالثة .. من يوميات ابو ديبو .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الثالثة .. للكاتب سرهاب البسطامي
عنوان الحلقة : شو سميتوها

** ابو ديبو يرى صديقه ابو حاتم بعد فترة غياب ويبدا حوار بينهما :

ابو ديبو : مرحبا اخوي ابو حاتم .
ابو حاتم : هلا هلا بصديق عمري ابو ديبو .
ابو ديبو : شو اخبارك يا رجل وين بطلنا نشوفك صرلك فترة مش مبين عسى ما شر .
ابو حاتم : والله يا اخوي يا ابو ديبو اختك ام حاتم كانت في المستشفى .
ابو ديبو : شو بتقووول – خير ان شاء الله شو مال اختي ام حاتم سلامات والله .
ابو حاتم : ان شاء الله بتشوف لاولادك اجتنى بنت .
ابو ديبو : حمد الله على سلامتها والف مبروك ما اجاك وتتربى بعزك اخوي ابو حاتم .
ابو حاتم : تسلم يطول في عمرك ان شاء الله .
ابوديبو : وكيف حال اختي ام حاتم هسه ان شاء الله بخير .
ابو حاتم : الحمد لله اليوم طلعناها من المستشفى .
ابو ديبو : الحمد لله على سلامتها – قولي شو سميتوها .
ابو حاتم : والله يا اخوي يا ابو ديبو سميناها غالية .
ابو ديبو : عاشت الاسامي بس اكيد على اسمك حجتك.
ابو حاتم : لا والله يا ابو ديبو مش على اسم حجتي .
ابو ديبو : اها – اكيد اختي ام حاتم اللي اختارت هاظ الاسم على اسم امها .
ابو حاتم : لا يا سيدي مش على اسم امها .
ابو ديبو : ولا يا اخوي يا حاتم على اسم مين سميتوها غالية .
ابو حاتم : سميناها غالية تماشيا يا سيدي مع رفع الاسعار .

انتهت الحلقة الثالثة ..

هذه الحلقة ستكون مرئية على الشاشات رمضان 2016 ..

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي https://www.facebook.com/serhabboustami