الحلقة الثانية .. من يوميات ابو ديبو .. للكاتب سرهاب البسطامي

وكالة الناس – خاص وحصري – يوميات ابو ديبو .. الحلقة الثانية .. للكاتب سرهاب البسطامي
عنوان الحلقة : ابو ديبو والمنسف

** ابو ديبو معزوم على منسف اردني بعرس جارهم ابو حاتم وطبعا ابو ديبو يعشق المنسق ونازل جبد في السدر وبعد الانتهاء من الوليمة يتاخااخ ابو ديبو ( آآآخ ) وياتي ابو حاتم مسرعا اليه :

ابو حاتم: ابو ديبو خير ان شاء الله اسم الله عليك شو مالك .
ابو ديبو : ( آخ يا خوي يا ابو حاتم ) مش قادر حاسس بطني بلون وبدو ينفجر .
ابو حاتم : شكلك مش راحم حالك يا ابو ديبو وانت بتوكل منسف .
ابو ديبو : ما انت بتعرف يا اخوي يا ابو حاتم بحبه وما بقدر اقاوم وبنسى كل قرايبي عند المنسف .
ابو حاتم : ( ههههه ) يعني يا ابو ديبو اذا الاكل مش الك بطنك مش الك .
ابو ديبو : شو اسوي يا اخوي يا ابو حاتم قلتلك عند المنسف بنسي امي .
ابو حاتم : ولا يهمك يا ابو ديبو هسه بوخذك شوط بالسيارة وبترجع ولا كانك انت .
ابو ديبو : يا زلمة بتتخوث علي بحكيلك مش قادر وبطني بدو ينفجر وانت بتقلي سيارة وطيارة شو بدها تسويلي السيارة ؟
ابو حاتم : مش السيارة اللي بدها تسويليك يا ابو ديبو ؟!
ابو ديبو : ولا يا فهمان ..
ابو حاتم : مهو يا ابو ديبو من كثر الحفريات والمطبات اللي في شوارعنا والهز والنط بتهضم .

انتهت الحلقة الثانية ..

هذه الحلقة ستكون مرئية على الشاشات رمضان 2016

لمتابعة وزيارة صفحة الكاتب سرهاب البسطامي على صفحته على الفيس بوك الدخول على الرابط التالي
https://www.facebook.com/serhabboustami