المذيعة رانيا صفوت توضح أسباب قتلها زوج شقيقتها.. تفاصيل

و قالت رانيا في التحقيقات: “اللي حصل جوزي عبد الرحمن خليفة، كان مشارك واحد اسمه كريم من السيدة زينب في براند ملابس وكريم ده دفع 300 ألف جنيه، لكن الموضوع ممشيش كان باقي لكريم ده فلوس من الشراكة حوالي 150 ألف جنيه لأن جوزي سدد له نص المبلغ، ودخلت كورونا قال لي مش هقدر أسددلك باقي المبلغ ده دلوقتي عشان أنت شايف الظروف هديك أرض في الفيوم لأني معيش سيولة، لكن كريم ده رفض ياخد الأرض، وقاله لا أنا عاوز فلوسي لكن طبعا عبد الرحمن جوزي مسددش فلوس لأني مكنش معاه فلوس من ساعتها مش بنزل السيدة، ومن وقتها بدأ كريم يدور على جوزي”، وفق (لها).

وتابعت” كريم ده خالته اسمها مها، كانت بتتعامل معايا على أساس تجيبلي شغالات وأخدت كريم وراحت عند أحمد جوز أختي مرام وطلبت منه إنه يقول مكان جوزي فين وامبارح كان أبويا وأمي تعبانين فروحت أنا وعبد الرحمن جوزي عشان نطمئن عليه، كان هناك أختي سعاد وجوزها وأختي التانية مرام وكنا عاوزين نجيب ليهم دكتور فجوزي اتصل بدكتور يعرفه وجه يكشف عليهم وبعد مكشف نزلت أنا وجوزي عشان نحاسبه وعشان نجيب أكل من محل شاورما من قدام البيت”.

وأضافت” وفجأة لقيت الست اللي اسمها مها دي معاها حوالي 4 رجالة زقوني وراحوا واخدين عبد الرحمن جوزي وركبوا توك توك واختفوا، ناس قالتلي ركبوا تاكسي اختفوا قالولي كده روحت طالعة فوق لقيت أحمد جوز أختي مرام كان قاعد على كرسي قدام الباب فروحت ضربته في صدره وقولتله عملك أيه عشان تسلمه هو جاي وقف معانا وجبلنا دكتور ودفع ليهم فلوس راح شدني ودخلني جوا الأوضة وهدومى انقطعت حاول يضربني بكرسي كان جنبه”.

و استكملت” أنا كنت واقفه جنب سفرة عليها سكينة فاكهة فروحت وخداها ضربته بيها في رجله شمال هو نزف دم كتير، حالة انهيار جاتلي حاولت أكلم النجدة أكتر من مرة معرفتش أوصل لحد وهما كلموا الإسعاف ياخدوه وأنا كنت مش في الوعي لحد شرطة ما خدتني وجابوني على القسم”.

واستطردت: “كان يتواجد في البيت أختي مرام جوزها أحمد المتوفي وسعاد أختي وجوزها رمضان وأبويا وأمي، بس شاف الواقعة بابا وماما ومرام أختي وجوز اختي سعاد اسمه رمضان.

و يذكر أن المذيعة رانيا صفوت ارتكبت جريمة قتل في أول يوم من شهر رمضان، راح ضحيتها زوج شقيقتها، حيث ألقت الشرطة عليها على الفور.