تأكدت أن مشاعري نحوه مجرد ..اعتياد!
انا تعرفت على شاب وهو كتييييير منيح معي ومحترمني وصريح معي بكل شي ..
وانا بعد فترة حسيت حالي بحبه.. ووعدنا بعض ما نترك بعض ..
ولكن بعد فترة أدركت اني مش حاسة بشي معه واني بس متعودة عليه !!!
هو بيدرس بالجامعة باقي له فصل ليتخرج و الله اعلم كم سنة ليأمن حاله.. وانتوا عارفين وضع البلد
لما رجعت فكرت ..حسيت انو علاقتنا ما رح تنتهي بزواج واستقرار .. لانه اذا تقدم لي حد مناسب ..فأهلي رح يوافقوا فورا وخصوصا انه ما عندي حجة ارفض ..يعني قاعدة بالبيت لا دراسة لا شغلة ولا عملة واهلي عقليتهم جدا صعبة وما بيعجبهم العجب
فانا قررت انه لازم نترك بعض بس مش عارفة كيف احكي له بلا ما اجرحه.. لانه كتير متعلق فيّ.. وكل ما بدي احكي له نترك ببطل قادرة احكي
بتمنى تساعدوني وتحكولي اذا تفكيري صح وإلا لا.. مع العلم إنه احنا ما النا مدة طويلة سوا..