اعتذر في البدايه عن طول المنشور ولكن أنا الي فتره بنزل مشكلتي وكل ما شخص يتفاعل معي بيحكوا معه ،وبيزوده بأكاذيب ليست صحيحه ،بالبدايه أقسم بالله العظيم أنني صادقه في كل كلمه ،قبل ١٨ سنه أشتريت أنا وزوجي قطعة أرض بالسلالم وربنا يعلم كيف أشترينها بالدين وبالقرض من البنك وبعت كل أثاث البيت وسكنت فتره عند أهلي وفتره عند أهل زوجي حتى أكملنا ثمن الأرض كانت مشكلة الأرض أنه عليها ١٢٠ درجه ولكن كان بالمخطط شارع ،وحكيت لزوجي بما أن مارح نبني ع طول ،لما بدنا نبني بيكون فاتح شارع ولكن كملنا ثمن الأرض ولم يفتح شارع بنينا بيت صغير وكبرت عيلتنا وكل ما أطلب من زوجي نوسع البيت يحكيلي لما يفتح شارع ،وبعد فتره صابتني جلطه بيدي ورجلي وصرت كل ما أنزل الدرج أموت تعب ،وقررت أبيع البيت وفعلًا عرضنا البيت للبيع ولكن كل ما حد يجي ويشوف الدرج مايرجع ، وبيوم من الأيام كنت بدوامي وإذا بجار يرن علي ويحكيلي أبشري ي أم معتز ففرحت وحكتله تبشر بالخير أيش فيه حكلي بدهم يفتحوا شارع من عندهم وبده يعطيني طريق ،طرت من الفرحه وقولت معقول تعطيني طريق قلي عيب ي أم معتز أنا حكيتلك والله لطريق توصلكم ،وفرحت وحكيت لجوزي بما أنه الجيران بدهم يعطونا طريق خلينا نوسع البيت ،وابني بحكيلي خلينا أبني طابق ثاني ،وبالرغم من ظروفنا الماديه السيئه الا أن زوجي أخذ قرض من البنك واستلفنا من كل صديق مبلغ وقبل ما نكمل بناء البيت وإذا بالبلديه قررت فتح الشارع الرسمي ،الي بالاصل درج فقلت شكل الخير أجى مره وحده ،ولما أجت البلديه وبوجود موظفين البلديه وكان سليمان خريسات صار أخو جارنا الي رن علي وبشرني بالشارع صار يترجى في ويحكيلي حرام عليك ي أم معتز أحنا بيتنا بنضر من الشارع وهي أحنا أعطانك شارع وصار يحلفي في ويترجى وأخر شي أقترح علي أنه يعطينا الشارع الي الهم بمقابل الدرج ،ومن كثر ما أترجى أنا وافقت وقلي بكره أنزلي ع البلديه وأنا بكتب الشارع بأسمكم وثاني يوم حكالي الورق مع أخوي رنيت ع أخوه وحكتيله متى ننزل ع البلديه عشان تكتب الطريق بأسمنا حكلي أنا مجنون أعطي أرضي للحكومه في حد بتنزل عن أرضه حكيتله أخوك هو الي حكى وقدام الكل حكالي أخوي مجنون أنا ما بتنازل ب أرضي لحد وأنتم هي فتحنا الكم شارع ،وما رح نمنعكم أحنا جيران ونسايب وللأسف ،رجعت وصدقتهم وبعد ما خلصت البلديه شغل وتطمنوا ،سكروا الطريق من عندهم والله العظيم دون سبب يوم بيحكوا عشان جوز بنتي السابق كان ينزل بالسياره ويوم عشان ما أنزل أنا بتكسي وكل يوم سبب أكذب من الي قبله والله ع ما أقول شهيد وأنا كتبت القصه بكل تفاصيلها عشان كل ما حد يعلق وبدخل معه ع الخاص وبصيروا بكذبوا ويقلبوا أنا الحق علينا وبعد ما سكروا الطريق ،قلنا خلص بعين الله وهي الشارع فتح نصه ،بعد هيك صاروا يوقف سيارتهم بالطريق وبطلنا نقدر ننزل بتكسي ولا حتى مشي وحكينا معهم بالحسنى ومافي فائده وفي جيران النا والهم كانوا واسطه لحتى يبيعونا طريقهم بشكل رسمي ورفضوا وصرت احكي وأنا طالع حسبي الله ونعم الوكيل ودون فائدة ،ورجعت أنا وزوجي راجعنا البلديه عد مرات دون جدوى وأنا زاد وضعي الصحي سوء حيث أصبحت أعاني من ضيق في التنفس والآن والله العظيم كل ما أطلع الدرج ،رجلي بتشنج اليمين وبقعد ربع ساعه وأنا مو قاده أخذ نفس ،وكل مابشتري أغراض ما بقبل ولا تكسي ينزل بسبب اصطفافهم في الشارع ،وبالرغم من وجود كراج لديهم ومع ذلك من باب العناد والاذى ،لا يصف سيارته والشارع خدم كل الجيران الا بيتنا ،وأدعوا الله أن أجد حل والله أني رجعت عرضت بيتي للبيع مره أخرى ولكن دون جدوى ،ولو ظروف زوجي المادي تسمح كنت بدي أترك البيت وأستاجر ولكن زوجي بحكيلي حسبي الله عليهم بعد ما ورطوني بقرض بدي خمس سنوات وأنا أدفع و سكروا الشارع بالاضافه الا أن زوجي أيضا قد أصيب بجلطه قلبيه وعمل عملية شبكية ،أعتذر عن الاطاله ولكن بسبب الأكاذيب كتبت القصه كامله.
على مكتب رئيس بلدية السلط
مشاركة
حطت على مكاتب “وكالة الناس” شكوى من سيدة تشكو فيها من عدم فتح شارع اما منزلها .. بدورنا نضع هذة الشكوى كما وصلتنا امام رئيس بلدية السلط لعلها تجد الحل
وكالة الناس – اعتذر في البدايه عن طول المنشور ولكن أنا الي فتره بنزل مشكلتي وكل ما شخص يتفاعل معي بيحكوا معه ،وبيزوده بأكاذيب ليست صحيحه ،بالبدايه أقسم بالله العظيم أنني صادقه في كل كلمه ،قبل ١٨ سنه أشتريت أنا وزوجي قطعة أرض بالسلالم وربنا يعلم كيف أشترينها بالدين وبالقرض من البنك وبعت كل أثاث البيت وسكنت فتره عند أهلي وفتره عند أهل زوجي حتى أكملنا ثمن الأرض كانت مشكلة الأرض أنه عليها ١٢٠ درجه ولكن كان بالمخطط شارع ،وحكيت لزوجي بما أن مارح نبني ع طول ،لما بدنا نبني بيكون فاتح شارع ولكن كملنا ثمن الأرض ولم يفتح شارع بنينا بيت صغير وكبرت عيلتنا وكل ما أطلب من زوجي نوسع البيت يحكيلي لما يفتح شارع ،وبعد فتره صابتني جلطه بيدي ورجلي وصرت كل ما أنزل الدرج أموت تعب ،وقررت أبيع البيت وفعلًا عرضنا البيت للبيع ولكن كل ما حد يجي ويشوف الدرج مايرجع ، وبيوم من الأيام كنت بدوامي وإذا بجار يرن علي ويحكيلي أبشري ي أم معتز ففرحت وحكتله تبشر بالخير أيش فيه حكلي بدهم يفتحوا شارع من عندهم وبده يعطيني طريق ،طرت من الفرحه وقولت معقول تعطيني طريق قلي عيب ي أم معتز أنا حكيتلك والله لطريق توصلكم ،وفرحت وحكيت لجوزي بما أنه الجيران بدهم يعطونا طريق خلينا نوسع البيت ،وابني بحكيلي خلينا أبني طابق ثاني ،وبالرغم من ظروفنا الماديه السيئه الا أن زوجي أخذ قرض من البنك واستلفنا من كل صديق مبلغ وقبل ما نكمل بناء البيت وإذا بالبلديه قررت فتح الشارع الرسمي ،الي بالاصل درج فقلت شكل الخير أجى مره وحده ،ولما أجت البلديه وبوجود موظفين البلديه وكان سليمان خريسات صار أخو جارنا الي رن علي وبشرني بالشارع صار يترجى في ويحكيلي حرام عليك ي أم معتز أحنا بيتنا بنضر من الشارع وهي أحنا أعطانك شارع وصار يحلفي في ويترجى وأخر شي أقترح علي أنه يعطينا الشارع الي الهم بمقابل الدرج ،ومن كثر ما أترجى أنا وافقت وقلي بكره أنزلي ع البلديه وأنا بكتب الشارع بأسمكم وثاني يوم حكالي الورق مع أخوي رنيت ع أخوه وحكتيله متى ننزل ع البلديه عشان تكتب الطريق بأسمنا حكلي أنا مجنون أعطي أرضي للحكومه في حد بتنزل عن أرضه حكيتله أخوك هو الي حكى وقدام الكل حكالي أخوي مجنون أنا ما بتنازل ب أرضي لحد وأنتم هي فتحنا الكم شارع ،وما رح نمنعكم أحنا جيران ونسايب وللأسف ،رجعت وصدقتهم وبعد ما خلصت البلديه شغل وتطمنوا ،سكروا الطريق من عندهم والله العظيم دون سبب يوم بيحكوا عشان جوز بنتي السابق كان ينزل بالسياره ويوم عشان ما أنزل أنا بتكسي وكل يوم سبب أكذب من الي قبله والله ع ما أقول شهيد وأنا كتبت القصه بكل تفاصيلها عشان كل ما حد يعلق وبدخل معه ع الخاص وبصيروا بكذبوا ويقلبوا أنا الحق علينا وبعد ما سكروا الطريق ،قلنا خلص بعين الله وهي الشارع فتح نصه ،بعد هيك صاروا يوقف سيارتهم بالطريق وبطلنا نقدر ننزل بتكسي ولا حتى مشي وحكينا معهم بالحسنى ومافي فائده وفي جيران النا والهم كانوا واسطه لحتى يبيعونا طريقهم بشكل رسمي ورفضوا وصرت احكي وأنا طالع حسبي الله ونعم الوكيل ودون فائدة ،ورجعت أنا وزوجي راجعنا البلديه عد مرات دون جدوى وأنا زاد وضعي الصحي سوء حيث أصبحت أعاني من ضيق في التنفس والآن والله العظيم كل ما أطلع الدرج ،رجلي بتشنج اليمين وبقعد ربع ساعه وأنا مو قاده أخذ نفس ،وكل مابشتري أغراض ما بقبل ولا تكسي ينزل بسبب اصطفافهم في الشارع ،وبالرغم من وجود كراج لديهم ومع ذلك من باب العناد والاذى ،لا يصف سيارته والشارع خدم كل الجيران الا بيتنا ،وأدعوا الله أن أجد حل والله أني رجعت عرضت بيتي للبيع مره أخرى ولكن دون جدوى ،ولو ظروف زوجي المادي تسمح كنت بدي أترك البيت وأستاجر ولكن زوجي بحكيلي حسبي الله عليهم بعد ما ورطوني بقرض بدي خمس سنوات وأنا أدفع و سكروا الشارع بالاضافه الا أن زوجي أيضا قد أصيب بجلطه قلبيه وعمل عملية شبكية ،أعتذر عن الاطاله ولكن بسبب الأكاذيب كتبت القصه كامله.
