بالفيديو ..قصيدة للشاعر الصخري (( ياعقل بلتاجي ترا الناس عقال ))

وكالة الناس – تنوعت وتعددت أوجه الانتقاد لأمين العاصمة عقل بلتاجي على وسائل التواصل الاجتماعي منذ انتشار الفيديو المتلفز الذي ضمنه توجيهاته للشعب الاردني حيث طلب منهم تحمل الصعاب وتقديم ما يمكن من مساعدة لضيوف الاردن وبخاصة اللاجئيين السوريين ومن ثم تصريحاته لوسائل الاعلام التي برر فيها تعين نجله قيس في وزارة الداخلية والذي تم نقله مؤخرا الى سفارة الاردن في القاهرة .

وتاليا قصيدة للشاعر فليح الجبور الصخري

(( ياعقل بلتاجي ترا الناس عقال ))

يقول بلتاجي ومعاليه لا قال

يدبل كبد كل اللي قاعد حواليه

حرام يلي يسمعه وبيده عقال

ويضمن معالي حضرته ما يقاضيه

الا على جنوبه من الجال للجال

لما يتورم وجه ومقفا معاليه

وش هالسوالف وحد الله يرجال

سوالفك هذي سوالف معاتيه

لصار ماشاء الله مأمن على اموال

وتسوي اللي بالامانه تسويه

وهذا انت من لندن لعمان جوال

وهذا ولدك تعين الله يخليه

ملحق بمصر وراتبه حمولة شوال

وبمصر ما ينقاله غير يابيه

يطلعله يغني على كل موال

الجيب جيبه والمصاري مصاريه

وابن اربد وعجلون عطال بطال

وابن الكرك ما يلقى كبوت يدفيه

وابن البدو صبح ومسا فاضي اشغال

ياحسره هو لاقي شغل يشتغل فيه

والجندي اللي من الحمل شال ماشال

حتى الخبز ما يقدر احيان يشريه

واللي عرفته قبل مااشرح الحال

طبع بعقل بلتاجي الله يهديه

يقول لو تطلب وظايف لعمال

مع الاسف توضيف عمال مافيه

ويقول لو تشره على اذن اشغال

تسلم من الشر ما علينا مشاريه

يالله عفوك بس من ضيقة البال

ومن شارب الدفلى من الكاس بيديه

الخوف من كلمه مع الوقت تنقال

هذا زمان الشقلبه وذاك تاليه

ويالله لا تطول علينا بهالحال

من يوم حرّتنا سوالف معاليه

والله لو قاعد يسولف على عيال

بالروضه الا قالو الكذب ذا ليه

ولو سولفه اكرمكم الله على بغال

الا البغل يصير يدبك برجليه

ياعقل بلتاجي ترا الناس عقال

والعيل بهالوقت ما شي خافيه

الا اذا انت تفكر الناس جهال

ليه بكلامك تدبل كبودنا ليه

هذا اسمه استخفاف او لا استغفال

ومدري بعد وش ممكن اني اسميه

من المفرق لعمان لمعان بريال

يكفي سفاهه ويكفي ياهيه تسفيه

والله لو تركب على حمار بجلال

الا حمارك لو علف ما يمضيه

ارحم عقول الشعب من سمة البال

مسكين هذا الشعب يكفيه مافيه